|
 Noyabrın
17-də Təhsil Problemləri İnstitutunda Asiya İnkişaf
Bankının (AİB) təhsil məsələləri üzrə nümayəndəsi ilə
görüş keçirilib. İnstitutun direktoru, hüquq üzrə
fəlsəfə doktoru Qulu Novruzov görüş iştirakçılarını
salamlayaraq AİB-in Mərkəzi və Qərbi Asiya şöbəsinin baş
təhsil mütəxəssisi Cazira Asanova və AİB-in
Azərbaycanda daimi nümayəndəliyinin iqtisadçısı Nail
Vəliyevi institutlarında görməsindən məmnun olduğunu
bildirib. Görüşdə Cazira Asanova 12 illik təhsil
sisteminə keçid də daxil olmaqla təhsil sektorunun
inkişafı üzrə milli strategiya və fəaliyyət planları
barədə söhbət açıb. Mərkəzi və Qərbi Asiya regionunda
təhsili inkişaf etdirmək məqsədilə AİB tərəfindən
maliyyələşdirilən Regional Texniki Dəstək proqramında
Azərbaycanın da iştirakından məmnun olacaqlarını
diqqətə çatdırıb.
Qulu Novruzov Təhsil Problemləri İnstitutunun
Azərbaycanda təhsilin məzmunu ilə məşğul olduğunu və bu
sahədə daim tədqiqat işləri apardığını vurğulayıb.
TPİ-də struktur dəyişiklikləri, yeni yaradılan şöbələr
və gələcəkdə görüləcək işlər barədə geniş məlumat verib.
Natiq çıxışında Azərbaycan Respublikasında təhsil
sahəsində həyata keçirilən uğurlu təhsil proqramları və
layihələr barəsində də danışıb. İnstitutunun direktoru
bildirib ki, Azərbaycanda 12 illik ümumi təhsilə keçid
"Azərbaycan Respublikasında təhsilin inkişafı üzrə
Dövlət Strategiyası"nda strateji hədəf kimi qeyd olunub.
Hazırda 12 illik ümumi təhsilə keçidin təmin olunması
üçün mövcud təhsil standartları və kurikulumlarının
yenilənməsi istiqamətində institutda işlər aparılır
fənlər üzrə işçi qrupları ilə görüşlər keçirilir.
AİB-in Mərkəzi və Qərbi Asiya şöbəsinin baş təhsil
mütəxəssisi Cazira Asanova və həmin bankın
Azərbaycanda daimi nümayəndəliyinin iqtisadçısı Nail
Vəliyev görüş üçün minnətdarlıqlarını ifadə ediblər.
İnstitutun direktoru Qulu Novruzov qonaqlarla birgə
qarşılıqlı əməkdaşlığa daim hazır olduqlarını bildirib.
Görüşdə ARTPİ-nin direktor müavinləri - pedaqoji elmlər
üzrə fəlsəfə doktoru Ənvər Abbasov, kimya üzrə fəlsəfə
doktoru Rafiq Qəndilov, institutun şöbə müdirləri
Bibixanım İbadova, Almaz Həsrət, İlham Cavadov iştirak
ediblər.
Beynəlxalq əməkdaşlıq və informasiya şöbəsi
|
