Javascript DHTML Drop Down Menu Powered by dhtml-menu-builder.com

ARXİV

28 Noyabr 2014 - №46

 

Samboçumuz dünya çempionu oldu

 

Yaponiyanın Narita şəhərində sambo üzrə dünya çempionatı keçirilib. Azərbaycan təmsilçiləri 1 qızıl, 1 gümüş, 1 bürünc medal qazanıblar.

Fəxri kürsünün ən yüksək pilləsində 74 kq çəki dərəcəsində Amil Qasımov möhkəmlənib. Qasımov ilk görüşündə iordaniyalı Mahmud Abuhbarı, ardından qazaxıstanlı Assılbek Alkeyi, 1/4 finalda kanadalı Nik Tritonu, yarımfinalda irlandiyalı Lloyd Manninqi məğlub etdikdən sonra finala yüksəlib. Həlledici görüşdə isə o, rusiyalı İlya Lebedevi məğlub edərək dünya çempionu olub.

52 kq çəkidə yer alan Ağasif Səmədov isə yalnız finalda büdrəyib. O, ilk görüşündə kanadalı Torin Makfadyeni, 1/4 finalda Vladimir Lamanovu, yarımfinalda isə özbəkistanlı Şavkat Jurayevi məğlub edib. Lakin həlledici qarşılaşmada Səmədov gürcüstanlı Gennadi Çirqadzeyə uduzaraq gümüş medal əldə edib.

Nəhayət, 68 kq çəkidə Emil Həsənov əvvəlcə cibutili Fuad Anass Husseynə, ardından yeni zelandiyalı Aleksandr Bişopa üstün gəlsə də, 1/4 finalda monqolustanlı Tumurxuleq Davadorja uduzub. Təsəlli qarşılaşmalarında isə Həsənov argentinalı və qırğızıstanlı rəqiblərini məğlub edərək bürünc medala yiyələnib.

 
 
 
Səhifənin başına qalx "İdman" bölməsinə get Nömrənin müdəricatına dön Səhifənin başına qalx
 

AZƏRBAYCANIN TƏHSİL NAZİRLƏRİ

 

DÜNYA UNİVERSİTETLƏRİ

 

DÜNYA TƏHSİLİ

 

DÜNYA ÖLKƏLƏRİNDƏ ALİ MƏKTƏBLƏRƏ QƏBUL

 
 
 

Copyright  ©  All Rights Reserved.
Created and supported by Mehman Shafagatov