Javascript DHTML Drop Down Menu Powered by dhtml-menu-builder.com

ARXİV

07 Fevral 2015 - №05

 

Rezidentlərə həkim-mütəxəssis diplomları təqdim edilib

 

Böyütmək üçün seçinFevralın 4-də Azərbaycan Tibb Universitetində (ATU) məzun rezidentlərə həkim-mütəxəssis diplomlarının təqdimat mərasimi keçirilib.

Tədbirdə ATU-nun rektoru, Milli Məclisin deputatı, akademik Əhliman Əmiraslanov ölkəmizdə təhsilin inkişafına göstərilən dövlət qayğısını xüsusi vurğulayıb.

Rezidentura təhsili barədə məlumat verən rektor bildirib ki, bu sahədə təhsil müvafiq qərara əsasən, 40 ixtisas üzrə iki ildən beş ilədək aparılır. Azərbaycan Tibb Universiteti üzrə hazırda dörd kursda 38 ixtisas üzrə 554 rezident təhsil alır.

Qeyd edilib ki, rezidentura üzrə ilk buraxılış 2013-cü ildə olub. Həmin il beş ixtisas üzrə beş nəfər təhsilini başa vurub. 2014-cü ildə isə ATU üzrə bu məzunların sayı 33 nəfərdir. Respublika üzrə digər bazalardan olan 53 nəfər də ATU-da buraxılış yekun attestasiyasından keçərək məzun olub. Ümumilikdə respublikada 2014-cü ildə rezidentura üzrə 86 məzun olub.

Akademik Ə.Əmiraslanov məzunları təbrik edib, onlara tövsiyələrini verib, uğurlar arzulayıb.

Sonra məzunlara diplomlar təqdim olunub. 

AzərTAc

 
 
 
Səhifənin başına qalx "Xəbərlər" bölməsinə get Nömrənin müdəricatına dön Səhifənin başına qalx
 

AZƏRBAYCANIN TƏHSİL NAZİRLƏRİ

 

DÜNYA UNİVERSİTETLƏRİ

 

DÜNYA TƏHSİLİ

 

700 BAL TOPLAYANLAR

 
 
 

Copyright  ©  All Rights Reserved.
Created and supported by Mehman Shafagatov