Azərbaycan Dövlət Mədəniyyət və İncəsənət
Universitetində Gənclər Günü münasibəti ilə "Heydər
Əliyev və Azərbaycan mədəniyyəti" adlı fakültələrarası
bilik yarışı keçirilib. Yarışdan öncə universitetin
müəllim və tələbə heyəti ulu öndər Heydər Əliyevin
ADMİU-da yerləşən büstü qarşısına gül dəstələri qoyublar.
Bilik yarışını giriş sözü ilə açan professor Gülşən
Əliyeva - Kəngərli qeyd edib ki, yarışın
keçirilməsində əsas məqsəd xalqımızın ümummilli lideri
Heydər Əliyevin həyatının, çoxşaxəli fəaliyyətinin və
Azərbaycan mədəniyyətinə olan töhfəsinin tələbələr
tərəfindən dərindən öyrənilməsi və təbliğidir.
Universitetin altı fakültəsini təmsil edən komandalar
birincilik uğrunda mübarizə aparıb. Yarış 3 turdan və
komandalara əvvəlcədən təqdim olunmuş mövzular əsasında
hazırlanan 36 sualdan ibarət olub. Münsiflər
heyətinin qərarına əsasən I yeri sənətşünaslıq, II yeri
rejissor sənəti, III yeri rəssamlıq, IV yeri isə aktyor
sənəti və kulturologiya fakültələri qazanıblar.
Sonda qalib komandalara mükafatlar təqdim olunub və
xatirə şəkli çəkdirilib.
Mətbuat xidməti |