Javascript DHTML Drop Down Menu Powered by dhtml-menu-builder.com

ARXİV

21 Fevral 2015 - №07

 

Beynəlxalq müsabiqələr laureatları çıxış ediblər

 

Böyütmək üçün seçin Üzeyir Hacıbəyli adına Bakı Musiqi Akademiyasında (BMA) əməkdar incəsənət xadimi, professor Tərlan Seyidovun fortepiano sinfinin tələbələrinin iştirakı ilə konsert keçirilib.  Bakı Musiqi Akademiyasının 95 illik yubileyinə həsr olunan  konsertdə BMA-nın elmi işçisi, sənətşünaslıq üzrə fəlsəfə doktoru Aytən İbrahimova  pianoçuların repertuarına zəngin və geniş üslub diapazonlu proqram daxil olduğunu diqqətə çatdırıb. Bildirib ki, proqrama həm solo əsərlər - Frederik Şopen və Edvard Qriqin sonataları, Moris Ravelin sonatinası, Ferens Listin İ.S.Baxın orqan fantaziya və fuqasının transkripsiyası, eyni zamanda da ansambl əsərləri - Robert Şuman və Sergey Prokofyevin fortepiano konsertləri daxildir. Proqram magistratura şöbəsinin tələbələri, beynəlxalq və respublika müsabiqələri laureatları Tamara Xəlilova, Anna Biryukova, Firuzə Nəcəfli, Kamran Əliyev və üçüncü kurs tələbəsi Nigar Hüseynzadənin ifalarında təqdim olunub.

Konsertdə həm də Tərlan Seyidovun məzunları, beynəlxalq müsabiqələr laureatı Fəqan Həsənli və professorun assistenti Nuranə Zeynalova iştirak ediblər. 

Sifai SƏFƏROVA,
"Azərbaycan müəllimi"

 
 
 
Səhifənin başına qalx "Xəbərlər" bölməsinə get Nömrənin müdəricatına dön Səhifənin başına qalx
 

AZƏRBAYCANIN TƏHSİL NAZİRLƏRİ

 

DÜNYA UNİVERSİTETLƏRİ

 

DÜNYA TƏHSİLİ

 

700 BAL TOPLAYANLAR

 
 
 

Copyright  ©  All Rights Reserved.
Created and supported by Mehman Shafagatov