Javascript DHTML Drop Down Menu Powered by dhtml-menu-builder.com

ARXİV

28 Fevral 2015 - №08

 

Şagirdlər erməni vəhşiliyindən söz açıblar

 

Bakıdakı   Mikayıl Müşfiq adına 18 nömrəli tam orta məktəbdə   Xocalı soyqırımının 23-cü ildönümünə həsr olunmuş tədbir keçirildi. Azərbaycanın  milli müstəqilliyi uğrunda qurban gedən şəhidlərin əziz xatirəsi  bir dəqiqəlik sükutla yad edildi. Məktəbin direktoru  Səkinə Məmmədova  1992-ci il fevralın 25-dən 26-na keçən  gecə XX əsrin  ən ağır cinayətlərindən biri - vəhşi ermənilərin  Xocalıda törətdikləri qırğını, xocalılara tutulan divanı tarixdə analoqu olmayan faciə kimi xatırlatdı.  Bildirdi ki, həmin gecə  erməni quldurları tərəfindən  heç bir günahı olmayan insanları, qocaları və körpələri qanına qəltan etdilər.  Erməni  vəhşiləri bu faciəni 366-cı alaya məxsus çoxsaylı  ağır  texnikanın  köməyi ilə həyata keçirdilər  və  şəhər tamamilə  darmadağın edildi.  Xalqımız öz dövlətinin suverenliyi, ərazi bütövlüyü uğrunda mübarizədə sıx birləşdi  və qəhrəmanlıq nümayiş etdirdi.

   Sonra  aparıcılar  Ramin Babayev və Nəzakət Nəsirova  Xocalı soyqırımına həsr olunmuş şeirlər söylədilər,  tarixdə misli-bərabəri olmayan  vəhşilikdən söz açdılar.

Tədbirdə "Ana fəryadı" kompozisiyası nümayiş  olundu. "Xocalının milli  qəhrəmanları", "Dəfn edin məni", "Layla, Xocalım, layla",  "Şəhid qardaşım", "Qalx ayağa Azərbaycan" və s. vətənpərvərlik mövzusunda bayatılar, şeirlər söylədilər, mahnılar səsləndirdilər.  

   Məktəbin direktor müavini Bəsti Ağayeva çıxışında  Xocalı soyqırımının  xalqımızın qan yaddaşında sağalmaz bir yara olaraq qalacağını, xalqımız tərəfindən heç vaxt unudulmayacağını söylədi. Bildirildi ki, ümummilli lider  Heydər Əliyev ölkəyə rəhbərlik etməyə başladıqdan sonra Xocalı faciəsinə siyasi qiymət verildi.  Bu faciənin dünya ictimaiyyəti tərəfindən soyqırım kimi tanınması üçün  bir sıra mühüm addımlar atıldı və hazırda ölkə rəhbəri  İlham Əliyev həmin siyasəti uğurla davam etdirir. 

Sonda  Xocalı soyqırımı, ermənilərin törətdikləri vəhşilikləri əks etdirən videogörüntülər nümayiş olundu. 

Sifai SƏFƏROVA,
"Azərbaycan müəllimi"

 
 
 
Səhifənin başına qalx "Xəbərlər" bölməsinə get Nömrənin müdəricatına dön Səhifənin başına qalx
 

AZƏRBAYCANIN TƏHSİL NAZİRLƏRİ

 

DÜNYA UNİVERSİTETLƏRİ

 

DÜNYA TƏHSİLİ

 

700 BAL TOPLAYANLAR

 
 
 

Copyright  ©  All Rights Reserved.
Created and supported by Mehman Shafagatov