Javascript DHTML Drop Down Menu Powered by dhtml-menu-builder.com

ARXİV

07 Mart 2015 - №09

 

Gənc kimyaçıların yaradıcılıq müsabiqəsi keçirilib

 

Bakı Ali Neft Məktəbində gənc kimyaçıların yaradıcılıq müsabiqəsi keçirilib. Ali  təhsil ocağının rektoru Elmar Qasımov Təhsil Nazirliyi ilə birgə keçirilən müsabiqənin açılış mərasimində rəhbərlik etdiyi ali təhsil müəssisəsinin yaranma tarixi, fəaliyyəti, uğurları və perspektivləri haqqında məlumat verib. Rektor müsabiqə iştirakçılarına bu cür tədbirlərdə həmişə fəal iştirak etməyi tövsiyə edib və onlara bilik yarışında uğurlar diləyib.

Bakı Şəhəri üzrə Təhsil İdarəsinin müdir müavini Hüseyn Əsgərov çıxış edərək yeniyetmələrin yaradıcılıq fəaliyyətinə cəlb olunmasının onların təhsildə motivasiyasının artırılmasına xidmət etdiyini, gələcək həyat yolunun seçilməsində vacib amil olduğunu vurğulayıb.

BANM-in "Kimya mühəndisliyi" ixtisası üzrə 1-ci kurs tələbəsi Nərmin Baxışova, 3-cü kurs tələbəsi, Prezident təqaüdçüsü Pərnaz Səlimova çıxışlarında bu ali məktəbdəki münbit təhsil mühitinin, məzmunlu və maraqlı tələbə həyatının onların şəxsiyyət və mütəxəssis kimi formalaşmasında böyük rol oynadığını vurğulayıblar.

Daha sonra 26 komanda arasında müsabiqəyə start verilib. Komandaların üzvləri bir saat ərzində müsabiqə tapşırıqlarını yerinə yetirdikdən sonra onların cavabları münsiflər tərəfindən qiymətləndirilib və qalib komandalar müəyyən edilib.

Tədbir çərçivəsində müsabiqə iştirakçıları üçün Bakı Ali Neft Məktəbi ilə tanışlıq ekskursiyası təşkil olunub. 

Yarışmanın yekununda I-III yerlərə çıxan komandaların üzvlərinə Bakı Ali Neft Məktəbinin 1-ci, 2-ci və 3-cü dərəcəli diplomları və mükafatları təqdim edilib. 

İctimaiyyətlə əlaqələr şöbəsi

 
 
 
Səhifənin başına qalx "Xəbərlər" bölməsinə get Nömrənin müdəricatına dön Səhifənin başına qalx
 

AZƏRBAYCANIN TƏHSİL NAZİRLƏRİ

 

DÜNYA UNİVERSİTETLƏRİ

 

DÜNYA TƏHSİLİ

 

700 BAL TOPLAYANLAR

 
 
 

Copyright  ©  All Rights Reserved.
Created and supported by Mehman Shafagatov