Javascript DHTML Drop Down Menu Powered by dhtml-menu-builder.com

ARXİV

07 Mart 2015 - №09

 

Qalib şagirdlər mükafatlandırılıb

 

Martın 5-də Sumqayıt Dövlət Universitetinin Heydər Əliyev Mərkəzində  "Sabahın alimləri" IV Respublika müsabiqəsində qalib olmuş  şagirdlərlə  görüş keçirilib.

Görüşü SDU-nun elm və innovasiyalar üzrə prorektoru, professor Ramazan Məmmədov açaraq "Sabahın alimləri" IV Respublika müsabiqəsinin əsas məqsədinin yuxarı sinif şagirdlərinə elmi təfəkkür tərzi və tədqiqatçılıq vərdişlərinin aşılanmasından ibarət olduğunu söyləyib.

Sumqayıt Şəhər Təhsil Şöbəsinin müdir əvəzi Vaqif Ələkbərov "Sabahın alimləri" IV Respublika müsabiqəsinin keçirilməsinə görə təhsil naziri Mikayıl Cabbarova, universitetin rektoru Elxan Hüseynova və şagirdlərin müsabiqəyə hazırlanmasında zəhmət çəkmiş professor-müəllim heyətinə təşəkkür edib. Bildirib ki, "Sabahın alimləri" müsabiqəsi hər il ABŞ-da 70-dən artıq ölkənin şagirdlərinin iştirakı ilə keçirilən İntel ISEF - Beynəlxalq Elm və Mühəndislik Sərgisi çərçivəsində təşkil olunur. Bu müsabiqədə Sumqayıt şəhərinin TETG, TTEL, "Təfəkkür" liseyi, "İstedad" liseyi, 31, 21 və 9 nömrəli ümumi təhsil müəssisələrinin IX-XI siniflərində təhsil alan 39 şagird 19 layihə ilə iştirak edib. Müsabiqəyə təqdim olunan bu layihələrdən 6-sı II və III yerlərə layiq görülüb.

Qalib şagirdlər və onların elmi rəhbərləri universitet rəhbərliyi tərəfindən diplom,  pul mükafatı və hədiyyələrlə mükafatlandırılıblar.

Sonda qonaqlar universitetdə  yaradılmış müasir standartlara cavab verən laboratoriya və  auditoriyalarla tanış olublar. 

Mətbuat xidməti

 
 
 
Səhifənin başına qalx "Xəbərlər" bölməsinə get Nömrənin müdəricatına dön Səhifənin başına qalx
 

AZƏRBAYCANIN TƏHSİL NAZİRLƏRİ

 

DÜNYA UNİVERSİTETLƏRİ

 

DÜNYA TƏHSİLİ

 

700 BAL TOPLAYANLAR

 
 
 

Copyright  ©  All Rights Reserved.
Created and supported by Mehman Shafagatov