* Martın 13-də Azərbaycan Respublikasının Prezidenti
İlham Əliyev Avropa Şurası Parlament Assambleyasının
siyasi işlər və demokratiya komitəsinin məruzəçisi
Robert Uolteri qəbul edib.
* Prezident İlham Əliyev martın 12-də Bərdə rayonuna
səfər edib. Ölkə başçısı səfəri çərçivəsində bir sıra
sosial və iqtisadi yönümlü obyektlərin açılışlarında
iştirak edib, təmir işlərinin gedişi ilə maraqlanıb,
Bərdədə 588 məcburi köçkün ailəsi üçün yeni salınan
yaşayış kompleksindəki məktəb və bağça ilə tanış olub.
* Martın 12-də Azərbaycan Respublikasının Prezidenti
İlham Əliyev və Pakistan İslam Respublikasının
Prezidenti Məmnun Hüseyn Bakıda keçirilən
Azərbaycan-Pakistan biznes-forumda iştirak və çıxış
ediblər.
* Dövlət başçısı İlham Əliyev martın 11-də ölkəmizə
rəsmi səfərə gəlmiş Pakistan İslam Respublikasının
Prezidenti Məmnun Hüseyn ilə görüşüb. Səfər çərçivəsində
Azərbaycan-Pakistan sənədləri imzalanıb, sonra hər iki
prezident mətbuata bəyanatlarla çıxış ediblər.
* Martın 11-də Prezident İlham Əliyev Azərbaycan
Respublikası Daxili İşlər Nazirliyinin Daxili Qoşunları
hərbi qulluqçularının təltif edilməsi haqqında sərəncam
imzalayıb.
* Ölkə başçısı İlham Əliyevin 11 mart 2015-ci il
tarixli sərəncamı ilə E.R.İbrahimov "Şərəf" ordeni ilə
təltif edilib.
* Martın 9-da dövlət başçısı İlham Əliyev Rusiya
Federasiyası Prezidentinin köməkçisi, Rusiya
Federasiyası Olimpiya Komitəsinin vitse-prezidenti İqor
Levitini qəbul edib.
* Prezident İlham Əliyev, xanımı, birinci Avropa
Oyunları Təşkilat Komitəsinin sədri Mehriban Əliyeva və
ailə üzvləri martın 9-da paytaxtın Biləcəri qəsəbəsində
Bakı Atıcılıq Mərkəzinin açılışında iştirak ediblər. |