Google
SketchUp proqramında ən yaxşı üçölçülü modellərin
yaradılması üzrə fevralın 2-də keçirilmiş respublika
müsabiqəsinin nəticələri məlum olub. Artıq 3-cü ildir
"Bakı" nəşriyyatının təşkilatçılığı ilə keçirilən bu
müsabiqə respublika məktəbliləri arasında çox böyük
marağa səbəb olmuşdur. Azərbaycanın müxtəlif
bölgələrindən 168 şagirdin qatıldığı müsabiqə
qaliblərinin təltif edilmə mərasimi martın 13-də Bakı
şəhəri 6 nömrəli məktəb-liseydə keçirildi. Tədbirdə
informatika dərsliklərinin müəllifləri Ramin Mahmudzadə,
İsmayıl Sadıqov və Naidə İsayeva, Münsiflər heyətinin
digər üzvləri Gülnarə Səlimova (Bakı Modern məktəbi) və
Sənubər Məmmədova (Bakı şəhəri 267 nömrəli
məktəb-lisey), eləcə də "Bakı" nəşriyyatının nümayəndəsi
Zaur İsayev iştirak etdilər. Ramin Mahmudzadənin
rəhbərlik etdiyi Münsiflər heyətinin qərarına əsasən
iştirakçılardan 3 nəfər I, 3 nəfər II, 7 nəfər III, 8
nəfər isə IV (həvəsləndirici) yerə layiq görüldülər.
Maraqlıdır ki, müsabiqənin qalibləri sırasında ən kiçik
iştirakçı olan Lahıc qəsəbə tam orta məktəbin 4-cü sinif
şagirdi Lalə Əliyevanın da (3-cü yer) adı var. Bütün
iştirakçılara sertifikatlar, qaliblərə isə müvafiq
diplomlar və hədiyyələr təqdim edildi. Tədbirdə mərkəz
rəhbərləri və görüş iştirakçıları çıxış edərək müsabiqə
təşkilatçılarına öz minnətdarlıqlarını bildirdilər.
Onlar növbəti illərdə bu müsabiqənin daha geniş miqyasda
keçirilməsini arzu etdilər.
Google SketchUp qrafik proqramında ən yaxşı üçölçülü
model müsabiqəsinin qalibləri
I yer
1. Akif Kərimov
Bakı şəhər 264 nömrəli məktəb-lisey
2. Emil Quliyev
Bakı şəhər 83 nömrəli məktəb-lisey
3. İslam Valehli
Bakı şəhər 6 nömrəli məktəb-lisey
II yer
1. Bəhruz Əsgərli
Bakı şəhər "Zəngi" liseyi
2. Ceyhun Əliyev
Qubadlı rayonu Dəmirçilər kənd tam orta məktəbi
3. Şəmistan Kərimov Bakı
şəhər 267 nömrəli məktəb-lisey
III yer
1. Məhəmməd Heydərov Bakı şəhər 136
nömrəli tam orta məktəb
2. Şəhriyar Sadıqlı
Bakı şəhər 291 nömrəli "Araz" Ekologiya liseyi
3. Elmir Əsədov
Bakı Modern Məktəbi
4. Rəşad Babayev
İsmayıllı şəhər 3 nömrəli məktəb-lisey
5. Lalə Əliyeva
İsmayıllı rayonu Lahıc qəsəbə tam orta məktəb
6. Əli Hüseynov
Gəncə şəhər 27 nömrəli riyaziyyat-informatika təmayüllü
məktəb-lisey
7. Rövşən Babayev
Salyan şəhər 4 nömrəli tam orta məktəb
IV yer (həvəsləndirici)
1. Sadıq Qasımov
Ağcabədi rayonu Hındarx qəsəbə 1 nömrəli tam orta
məktəb
2. Rəşad Musayev
İsmayıllı rayonu İstisu kənd tam orta məktəb
3. Yusif Əlizadə
Avropa Azərbaycan Məktəbi
4. Yalçın Tağızadə Qax
şəhər T.İsmayılov adına 5 nömrəli tam orta məktəb
5. Alsu Abdullayeva
Balakən şəhər Humanitar və texniki təmayüllü lisey
6. Nəcəf Nemətov Şamaxı
şəhər 10 nömrəli tam orta məktəb
7. Emil Mabudzadə
Mingəçevir şəhər Texniki-humanitar lisey
8. Səfər Qaraş
Şirvan şəhər 21 nömrəli tam orta məktəb |