Javascript DHTML Drop Down Menu Powered by dhtml-menu-builder.com

ARXİV

04 Aprel 2015 - №11

 

Harvard Universitetində beynəlxalq forum

 

Martın 11-14-də ABŞ-ın Harvard Universitetində dil təlimində innovasiyaların tətbiqinə həsr olunmuş beynəlxalq forum keçirilib. EF (Education First) Beynəlxalq cəmiyyətinin təşkilatçılığı ilə keçirilmiş Forum EF kompaniyasının 50 illiyi tədbirləri çərçivəsində təşkil olunub.

50 il əvvəl Bertil Halt tərəfindən əsası qoyulan EF-in məqsədi dünyada təhsilin daha geniş miqyas almasına kömək etmək və yalnız təhsil vasitəsilə dünyanı kəşf etmək olmuşdur. Bu gün EF-in 21 ölkənin 45 şəhərində ofisləri vardır. Məhz EF-in vasitəsilə milyonlarla insan ingilis dilini öyrənib.

3 gün davam edən Forumda beynəlxalq təhsildə mükəmməllik, dil bacarıq və vərdişləri, standartlaşdırılmış dil testləri, kurikulumların qloballaşdırılması, dil müəllimi hazırlığı, müasir təlim texnologiyalarının tətbiqi, bilik və bacarıqların qiymətləndirilməsi kimi məsələlər müzakirə olunub.

Forum iştirakçıları Harvard Universitetində bu sahədə aparılan tədqiqatlar, onların tətbiqi imkanları ilə yaxından tanış olub, həmçinin dərsləri müşahıdə ediblər.

Forumda Təhsil Nazirliyini Hüquqi ekspertiza və lisenziyalaşma şöbəsinin Lisenziyalaşdırma və akkreditasiya sektorunun baş məsləhətçisi Əfqan Abdullayev təmsil edib.

 
 
 
Səhifənin başına qalx "Xəbərlər" bölməsinə get Nömrənin müdəricatına dön Səhifənin başına qalx
 

AZƏRBAYCANIN TƏHSİL NAZİRLƏRİ

 

DÜNYA UNİVERSİTETLƏRİ

 

DÜNYA TƏHSİLİ

 

700 BAL TOPLAYANLAR

 
 
 

Copyright  ©  All Rights Reserved.
Created and supported by Mehman Shafagatov