Javascript DHTML Drop Down Menu Powered by dhtml-menu-builder.com

ARXİV

04 Aprel 2015 - №11

 

Təhsil Problemləri İnstitutunda məşğələ

 

Azərbaycan Respublikası Təhsil Problemləri İnstitutunda  "Məktəbdaxili qiymətləndirmədə İKT-nin tətbiqi" mövzusunda məşğələ keçirilib. Öncə mart soyqırımında şəhid olanların xatirəsi 1 dəqiqəlik sükutla yad edilib.

İnstitutun direktoru  Qulu Novruzov "Azərbaycan Respublikasında təhsilin inkişafı üzrə Dövlət Strategiyası"ndan və orada  qiymətləndirməni əks etdirən məzmundan, sənəddə yer almış  təfəkkürün və şəxsiyyətin inkişafına yönəlmiş, təhsilalanların fərdi xüsusiyyətlərini nəzərə alan innovativ təlim, qiymətləndirmə metodologiyası və resurslarının inkişafından söz açıb. Bildirib ki, ölkəmizdə təhsil sisteminə yeni texnologiyaların tətbiqi və onlardan geniş istifadə edilməsi informasiya cəmiyyətinin əsas xüsusiyyətlərindən biri kimi diqqətdə saxlanılır.

Sonra Bakı şəhəri N.Həmzəyev adına 238 nömrəli tam orta məktəbin ibtidai sinif müəllimi, "Ən yaxşı müəllim" müsabiqəsinin qalibi (2009-2010) İradə Bayramova öz təcrübəsində qiymətləndirmədə  İKT-nin tətbiqi ilə bağlı təqdimatla çıxış edib.

TPİ-nin direktor müavini Ənvər Abbasov, 238 nömrəli tam orta məktəbin direktoru İlqar Talıbov, İTV-nin "Açıq dərs" verilişinin aparıcısı Orxan Cabbarov, İncəsənət Gimnaziyasının ibtidai sinif müəllimi Yaqut Əzimzadə və başqaları məktəbdaxili qiymətləndirmə ilə bağlı maraqlı fikirlər səsləndirib, məşğələnin təqdimatçısı İradə Bayramovaya təcrübəsini bölüşdüyü üçün təşəkkürlərini bildiriblər.  

TPİ-nin Beynəlxalq əməkdaşlıq və informasiya şöbəsi

 
 
 
Səhifənin başına qalx "Xəbərlər" bölməsinə get Nömrənin müdəricatına dön Səhifənin başına qalx
 

AZƏRBAYCANIN TƏHSİL NAZİRLƏRİ

 

DÜNYA UNİVERSİTETLƏRİ

 

DÜNYA TƏHSİLİ

 

700 BAL TOPLAYANLAR

 
 
 

Copyright  ©  All Rights Reserved.
Created and supported by Mehman Shafagatov