|
 Azərbaycan
Dövlət İqtisad Universitetində yeni layihəyə start
verilib
Azərbaycan Dövlət İqtisad Universitetində (ADİU) "Azad
kitabxana" layihəsinə start verilib. Bu, dünya
universitetlərində tətbiq olunan "Free library" adlı
layihədir. "Azad kitabxana"ya bütün növ ədəbiyyatlar,
dərs vəsaitləri, jurnal və qəzetlər yerləşdirilə bilər.
Məqsəd tələbələr arasında mütaliə mədəniyyətini
təkmilləşdirməyə təkan vermək, kitabların mübadiləsini
həyata keçirməkdir.
"Azad kitabxana"da iştirak sərbəstdir. İstənilən şəxs
kitabları qutulara yerləşdirə, kitabxanada olan
kitabları götürə bilər. Layihənin işləmə mexanizmi
"Kitab qoy, kitab götür" (Take a book, leave a book)
prinsipinə əsaslanır.
Layihəyə yeni start verilməsinə baxmayaraq, mübadilə
dinamikası stabildir. Universitet tərəfindən "Azad
kitabxana"da yerləşdirilən müxtəlif jurnal və qəzetləri
tələbələr götürərək istifadə edirlər.
Rüfanə GÜNƏŞ,
"Azərbaycan müəllimi" |
