|
Bakı Şəhəri üzrə Təhsil İdarəsi tərəfindən yeni tədris
ilindən başlayaraq Bakı şəhərində rayonlar üzrə
ayrı-ayrı məktəblərdə keçirilən səyyar qəbullar davam
etməkdədir.
Qeyd edək ki, növbəti səyyar qəbullar aprelin 3-ü
Pirallahı və Xəzər rayonlarında keçirilmişdir. Pirallahı
rayonu üzrə 168 nömrəli məktəbdə keçirilmiş səyyar
qəbulda 131, 168, 186, 235, 243 nömrəli məktəblər və 29
nömrəli Uşaq Yaradıcılıq Mərkəzinin müəllim və
valideynlərinin müraciətləri dinlənilmişdir.
Xəzər rayonu üzrə 156 nömrəli məktəbdə keçirilmiş səyyar
qəbulda isə 3 nömrəli sanatoriya, 26, 33, 92, 117, 119,
120, 121, 122, 123, 124, 125, 136, 149, 156, 181, 183,
185, 206, 216, 218, 230, 231, 234, 237, 241, 256, 262,
322, 323, 324, 326 nömrəli məktəblər və 16 nömrəli
Uşaq-Gənclər İdman Məktəbi, 28 nömrəli Uşaq Yaradıcılıq
Mərkəzi, 38 nömrəli Texniki Yaradıcılıq Mərkəzi və 43
nömrəli Şagird Ekoloji Tərbiyə və Təcrübəçilik
Mərkəzinin müəllim və valideynlərinin müraciətləri
dinlənilmişdir.
Səyyar qəbullar saat 10:00-da Pirallahı rayonu, saat
14:00-da isə Xəzər rayonunda başlamış və vətəndaşların
müraciəti bitənədək davam etmişdir. Pirallahı və Xəzər
rayonları üzrə 40 müraciət dinlənilmişdir. Əsas
müraciətlər birinci sinfə qəbul sistemi, mühafizə
sisteminin təşkili və məktəblərin təmir edilməsi ilə
bağlı olmuşdur. Müəllim və valideynləri narahat edən bu
kimi məsələlər BŞTİ-nin rəhbər şəxsləri tərəfindən
diqqətlə dinlənilmiş və İdarənin struktur bölmələrinə
müvafiq tapşırıqlar verilmişdir. |
