Javascript DHTML Drop Down Menu Powered by dhtml-menu-builder.com

ARXİV

11 Aprel 2015 - №12

 

Təhsil Problemləri İnstitutunda "Fəaliyyət Planı" müzakirə olundu

 

Böyütmək üçün seçinTəhsil Problemləri İnstitutunda "Azərbaycan Respublikasında təhsilin inkişafı üzrə Dövlət Strategiyası"nın həyata keçirilməsi ilə bağlı Fəaliyyət Planı"nın icrası ilə əlaqədar növbəti toplantı keçirilib. İnstitutun şöbə müdirlərinin iştirakı ilə keçirilən iclasın məqsədi "Fəaliyyət Planı"nın icrası üzrə Təhsil Nazirliyinin 2015-ci il üçün Tədbirlər Planında göstərilmiş və TPİ-nin görəcəyi işlər barədə məlumat və təkliflərin hazırlanması idi.

Tədbirdə institutun direktoru Qulu Novruzov Tədbirlər Planı sənədində göstərilmiş  və birbaşa TPİ-nin fəaliyyətinə aid olan strateji hədəflər, "Fəaliyyət Planı" üzrə institut tərəfindən görüləcək işlər, tədbirlər, icraçı struktur və bölmələr, icra müddəti, icraya cəlb olunan bölmələr barədə geniş məlumat verdi. Bildirdi ki, "Azərbaycan Respublikasında təhsilin inkişafı üzrə Dövlət Strategiyası"nın həyata keçirilməsi ilə bağlı Fəaliyyət Planının icrası üzrə Təhsil Nazirliyinin 2015-ci il üçün Tədbirlər Planı sənədində göstərilmiş bəndlərin otuz birində TPİ bilavasitə icraçıdır. Qırx iki bəndində isə institut icraya cəlb olunan qurumlar sırasındadır. İnstitutun aidiyyəti şöbələrinə sənəddə göstərilən müvafiq strateji hədəflərə uyğun olaraq tədbirlərin görülməsi, məlumat və təkliflərin hazırlanması tapşırıldı.

TPİ tərəfindən keçiriləcək tədbirlərin planının hazırlanması ilə bağlı qeyd olunacaq mövzu və təkliflər ətrafında geniş müzakirələr aparıldı.  

TPİ-nin Beynəlxalq əməkdaşlıq və informasiya şöbəsi

 
 
 
Səhifənin başına qalx "Xəbərlər" bölməsinə get Nömrənin müdəricatına dön Səhifənin başına qalx
 

AZƏRBAYCANIN TƏHSİL NAZİRLƏRİ

 

DÜNYA UNİVERSİTETLƏRİ

 

DÜNYA TƏHSİLİ

 

700 BAL TOPLAYANLAR

 
 
 

Copyright  ©  All Rights Reserved.
Created and supported by Mehman Shafagatov