|
Bakı Qida Sənayesi Kollecində ümummilli lider Heydər
Əliyevin anadan olmasının 92-ci ildönümünə həsr olunmuş
və "Vətəni müdafiə etmək hər bir vətəndaşın borcudur"
devizi altında müəllim və tələbələr arasında pnevmatik
tüfəngdən güllə atıcılığı yarışı keçirildi.
"Atəş" komandası üzrə hər bir nəfər 5 güllə ilə atəş
açmaqla mümkün olan 50 xal toplamalı idi.
Müəllimlər arasında (kişilər) kollecin tədris işləri
üzrə direktor müavini Sadıq Məmmədov 42 xal toplayaraq
birinci yeri tutdu. İkinci və üçüncü yerləri kollecin
baş mühasibi Mübariz Əsgərov (41 xal) və şöbə müdiri
Rəşad Abduləzizov (36 xal) bölüşdülər.
Qadınların yarışında kollecin kadrlar şöbəsinin müdiri
Sürəyya Həsənova 34 xalla birinci yerə çıxdı. Sonrakı
yerlərə texnik Vəsilə Mirzəyeva və operator Nərmin
Vəliyeva çıxdılar.
Tələbələrin (oğlan və qızlar) yarışında Simran Saurxanov
(573 qrup), Ramil Hüseynov (591 qrup), Elvin Məmmədov
(573 qrup), Ülviyyə Balaqadaşova (575 qrup), Cəvahir
Əhmədova (573 qrup) və Cahan Məhərrəmova (591 qrup)
fərqləndilər.
Qaliblərə Bakı Qida Sənayesi Kollecinin diplomu
verildi.
Akif KƏRİMLİ |
