|
Cəfər Cabbarlı adına Azərbaycan Dövlət Teatr Muzeyində
"Rənglərə köçürülmüş dünyam" adlı sərgi keçirilib. 18
may-Beynəlxalq Muzeylər Gününə həsr olunan sərgidə Bakı
şəhəri 46 nömrəli Məktəbdənkənar Tərbiyə İşi Mərkəzinin
"Günəş" rəsm studiyasında məşğul olan uşaqların müxtəlif
mövzularda çəkdikləri 40-a yaxın rəsmləri nümayiş
olunub.
Bildirilib ki, yeniyetmə rəssamların yaradıcılıq
nümunələri İran, Türkiyə, Özbəkistan, Qazaxıstan, Çexiya,
Rusiya, Slovakiya, Hindistanda və s. keçirilən
beynəlxalq müsabiqələrdə daim fərqlənib. Sərgidə
Uluslararası Aktivist Sənətçilər Birliyinin, "Yeni
Gallery" Bakı İncəsənət Mərkəzinin nümayəndələri,
sənətşünaslar, rəssamlar və muzey əməkdaşları iştirak
ediblər.
Sonda ən yaxşı rəsmləri ilə fərqlənən məktəblilərə
diplomlar təqdim olunub.
Sifai SƏFƏROVA,
"Azərbaycan müəllimi" |
