Javascript DHTML Drop Down Menu Powered by dhtml-menu-builder.com

ARXİV

30 May 2015 - №19

 

Ürəklərə yol tapan ürək cərrahı

 

Azərbaycan Respublikasının Prezidenti yanında Bilik Fondunda doktor Cavad Heyətin 90 illiyi ərəfəsində tanınmış cərrah - türkoloq alimin anım tədbiri keçirilib. Əvvəlcə tədbir iştirakçıları doktor Cavad Heyətin həyatına həsr olunmuş sənədli filmə baxıblar.

Bilik Fondunun icraçı direktoru Oktay Səmədov anım tədbirini açaraq Cavad Heyətin səhiyyədəki, ədəbiyyatdakı rolundan danışıb. Bu şəxsiyyətin ümumilikdə Azərbaycan üçün gördüyü işlərdən söhbət açan icraçı direktor onun irsinin qorunaraq gələcək nəsillərə ötürülməsinin vacibliyini vurğulayıb. Bildirib ki, Bilik Fondunun bugünkü anım tədbiri məhz bu amala xidmət edir.

Akademik Tofiq Hacıyev Cavad Heyətlə bağlı xatirələrini bölüşüb. Doktor Cavad Heyətin nəşr etdirdiyi "Varlıq" dərgisindən, dərginin İran türklərinin milli şüurunun oyanmasında oynadığı roldan danışıb. Doktor Cavad Heyətin xatirələrini Azərbaycan türkcəsinə çevirən AMEA-nın Əlyazmalar İnstitutunun elmi işçisi Əkrəm Bağırov deyib ki, onun xatirələrini tərcümə etdikcə alimi daha çox tanıdım, elə bil yaxından ünsiyyətdə oldum, doğmalaşdı mənim üçün. Ə.Bağırov bildirib ki, Cavad Heyət kimi bir şəxsiyyətin xatirələrini tərcümə etmək həm də bir şərəfdir.

Doktorun ailə dostu Zülfi Baxışəli Cavad Heyətin yüksək mənəvi keyfiyyətlərindən söhbət açıb. Onun Azərbaycanın müxtəlif universitetlərinin fəxri doktoru və professoru, Türk Dil Qurumunun fəxri üzvü, eləcə də İstanbul Universitetinin fəxri doktoru olduğunu xatırladıb.

Tədbirdə AMEA-nın gənc alimləri də Cavad Heyətlə bağlı xatirələrini bölüşüblər.

Anım tədbiri doktor Cavad Heyətin Fəxri xiyabandakı məzarını ziyarəti ilə başa çatıb.   

Bilik Fondunun İnformasiya təminatı sektoru

 
 
 
Səhifənin başına qalx "Xəbərlər" bölməsinə get Nömrənin müdəricatına dön Səhifənin başına qalx
 

AZƏRBAYCANIN TƏHSİL NAZİRLƏRİ

 

DÜNYA UNİVERSİTETLƏRİ

 

DÜNYA TƏHSİLİ

 

700 BAL TOPLAYANLAR

 
 
 

Copyright  ©  All Rights Reserved.
Created and supported by Mehman Shafagatov