Javascript DHTML Drop Down Menu Powered by dhtml-menu-builder.com

ARXİV

6  İyun 2015 - №20

 

Heydər Əliyev adına liseydə "Son zəng"

 

Böyütmək üçün seçinMayın 30-da Bakıdakı Heydər Əliyev adına liseydə "Son zəng" mərasimi keçirildi. Tədbirdə liseyin müəllim-şagird kollektivi ilə yanaşı valideynlər, Xətai Rayon İcra Hakimiyyətinin nümayəndəsi Əbülfət Piriyev və digər qonaqlar iştirak edirdilər. Tədbiri giriş sözü ilə açan liseyin direktoru, əməkdar müəllim Fikrət Xəlilov məzunları təbrik edərək onlara gələcək həyatlarında uğurlar arzuladı. Qeyd etdi ki, lisey 86 məzununu Azərbaycan cəmiyyətinə yola salır. Bildirildi ki, ötən il də liseyi 86 məzun bitirib. Onlardan 72 nəfəri respublikamızda fəaliyyət göstərən ali təhsil müəssisələrinə, 3 nəfəri isə xaricdəki ali məktəblərə daxil olub. Məzunlardan 3 nəfəri liseyi qızıl medalla bitirib və etimadı doğruldaraq qəbul imtahanlarında yüksək bal toplayıblar. Bundan başqa məzunlardan 3-ü Prezident təqaüdünə layiq görülüb. Liseyin şagirdlərinin bir çox müsabiqə və yarışlarda uğurlu çıxışlarından söz açan F.Xəlilov respublika fənn olimpiadalarında şagirdlərdən 3 nəfərin final mərhələsində qalib olduqlarını diqqətə çatdırdı. Dövlət tərəfindən təhsilə göstərilən qayğıdan söz açan natiq möhtərəm Prezidentimiz İlham Əliyevin rəhbərliyi altında ölkədə aparılan islahatları yüksək qiymətləndirərək məzunlara bu imkanlardan maksimum dərəcədə faydalanmağı tövsiyə etdi.

Tədbirdə çıxış edən rayon icra hakimiyyətinin nümayəndəsi Əbülfət Piriyev əlamətdar gün münasibətilə məzunları təbrik etdi. Bildirdi ki, respublikamızın nümunəvi təhsil ocaqlarından olan lisey daim artan uğurları ilə hamı kimi məni də sevindirir. Bu günün təkrarolunmaz bir gün olduğunu nəzərə çatdıran Ə.Piriyev məzunlara enişli-yoxuşlu həyatda daim məğrur olmağı, vətənə, millətə sədaqətlə xidmət etməyi tövsiyə etdi. O, məktəbin hər bir şagirdin həyatında mühüm rol oynadığını qeyd edərək dövlətimizin təhsilə xüsusi diqqət və qayğısından söz açdı. Liseyin rəhbərliyinə və pedaqoji kollektivinə gələcək işlərində müvəffəqiyyətlər arzuladı.

Böyütmək üçün seçinTədbirdə liseyin müəllimləri, şagirdlər çıxış edərək xoş arzularını bildirdilər.

Şagirdlərin ifasında şeirlər səsləndirildi, rəqslər ifa olundu. Tanınmış müğənni Rüfət Axundovun ifa etdiyi  mahnılar iştirakçılara xoş ovqat bəxş etdi.  

Onbirincilər məktəbin rəmzi açarını onunculara təqdim etdikdən sonra son zəng çalındı. 

Niyazi RƏHİMOV,
"Azərbaycan müəllimi"

 
 
 
Səhifənin başına qalx "Xəbərlər" bölməsinə get Nömrənin müdəricatına dön Səhifənin başına qalx
 

AZƏRBAYCANIN TƏHSİL NAZİRLƏRİ

 

DÜNYA UNİVERSİTETLƏRİ

 

DÜNYA TƏHSİLİ

 

700 BAL TOPLAYANLAR

 
 
 

Copyright  ©  All Rights Reserved.
Created and supported by Mehman Shafagatov