|
 Azərbaycan
Dillər Universitetinin professoru, Linqvodidaktika
kafedrasının müdiri, professor Gülnar Hüseynzadə bu
günlərdə Türkiyənin Orta Doğu Texniki Universitetində
(ODTU) keçirilən "Celebrating Diversity" mövzusunda
beynəlxalq konfransda iştirak edib.
Dünyanın 22 ölkəsindən nümayəndələrin iştirak etdiyi
konfransda mədəniyyətlərarası münasibətlər, ingilis dili
tədrisinin müxtəlif sahələri, linqvistikanın nəzəri və
praktik problemləri, müəllim hazırlığı məsələləri,
tələbə-müəllim münasibətləri, ingilis dilinin
istifadəsində müxtəlifliklər, qiymətləndirmə,
materialların hazırlanması və seçilməsi kimi bir sıra
gündəmdə olan məsələlər müzakirə olunub.
Konfransda ADU-nun professoru Gülnar Hüseynzadə "XXI
əsrdə mədəniyyətlərarası təhsilin problem və
çətinlikləri" mövzusunda çıxış edib. Müzakirələrlə davam
edən mövzu konfrans iştirakçılarının böyük marağına
səbəb olub.
İctimaiyyətlə əlaqələr departamenti |
