|
 İ.M.Seçenov
adına Birinci Moskva Dövlət Tibb Universitetinin Bakı
filialı 2015-2016-cı tədris ili üçün tələbə qəbulu elan
edir. Birinci Moskva Dövlət Tibb Universitetinin Bakı
filialına müalicə işi ixtisası üzrə 100 nəfərin qəbul
olunması nəzərdə tutulur. Tədris rus dilində olsa da,
müsabiqə rus və Azərbaycan bölmələrindən olan
abituriyentlər üçün birgə aparılacaq. Azərbaycan
vətəndaşları üçün təhsil ödənişsizdir.
İ.M.Seçenov adına Birinci Moskva Dövlət Tibb
Universitetinin komissiyası tərəfindən aparılan qəbul
imtahanlarında yalnız TQDK-nın IV ixtisas qrupunda
keçirdiyi test imtahanlarında 350 və daha artıq bal
toplayan abituriyentlər iştirak edə bilərlər. Qəbul
olmaq istəyənlər rus dili və kimya fənləri üzrə test
imtahanı verməlidirlər.
Müsabiqə İ.M.Seçenov adına Birinci Moskva Dövlət Tibb
Universitetinin yaratdığı komissiyanın keçirdiyi
imtahanların nəticələri əsasında aparılacaq.
Filialın tədris fəaliyyəti İ.M.Seçenov adına Birinci
Moskva Dövlət Tibb Universitetinin tədris plan və
proqramları əsasında həmin ali məktəbin
professor-müəllim heyəti tərəfindən həyata
keçiriləcəkdir. Məzunlara İ.M.Seçenov adına Birinci
Moskva Dövlət Tibb Universitetinin diplomu təqdim
ediləcəkdir.
Qəbul olmaq istəyən şəxslər müvafiq sənədlərini 21-22
iyul 2015-ci il tarixlərində saat 10:00-dan 18:00-dək
təqdim edə bilərlər. Maraqlananlar əlavə məlumatı Təhsil
Nazirliyinin saytından ala bilərlər: (http://edu.gov.az/az/page/9/11012)
|
