|
Gənclər üçün Təhsil Mərkəzi Qarabağ Regional Ofisi və
Ağcabədi Rayon İcra Hakimiyyətinin birgə əməkdaşlığı
çərçivəsində Peşə Təhsili üzrə Regional Məsləhət və
Yardım Xidmətinin ilkin təlimlərinə yekun vurulub. Bu
münasibətlə Heydər Əliyev Mərkəzində təlimləri bitirən
məzunların əl işləri və iştirakçılar tərəfindən tikilən
geyimlərin sərgisi təşkil olunub. Tədbirdə çıxış edənlər
cari ilin fevralından fəaliyyətə başlayan Peşə Təhsili
üzrə Regional Məsləhət və Yardım Xidmətinin yaranma
zərurətindən danışıb, görülən işlərin əhəmiyyətini
vurğulayıblar. Bildirilib ki, xidmətin ilk buraxılış
mərhələsində tikiş, toxuculuq, kompüter, ingilis və rus
dilləri kurslarından ümumilikdə 50 nəfər həssas qrupdan
olan qadın və aztəminatlı ailələrin övladları ödənişsiz
əsaslarla faydalanıb. Qeyd edilib ki, sentyabr ayından
təlimlərin ikinci mərhələsinə başlanılacaq. Burada
əlavə olaraq xalçaçılıq və çörək-qənnadı kursları da
fəaliyyət göstərəcək.
Sonra əl işlərinə baxış keçirilib, məzunlara diplomlar
təqdim olunub. |
