Koreyanın Chuncheon şəhərində təşkil edilən “Korea Open”
turniri başa çatıb. 22-27 iyul tarixlərində keçirilən G2
kateqoriyalı turnirdə ölkəmizı 12 taekvondoçu təmsil
edib.
Milli komandamız bu yarışda aktivinə 3 medal əlavə edib.
Belə ki, kişilərdən ibarət millinin üzvü, I Avropa
Oyunlarının qalibi, 80 kq çəki dərəcəsində yarışa
qatılan Milad Beigi Hərçəqani bütün rəqibləri üzərində
inamlı qələbə qazanaraq fəxri kürsünün ən yüksək
pilləsinə qalxıb. Sina Bahrami (-63 kq) və qadın
taekvondoçumuz Patimat Abakarova (-49 kq) isə yarışı
yarımfinal mərhələsində başa vuraraq bürünc medalla
kifayətlənməli olub.
63 kq çəki dərəcəsində tatami üzərinə çıxan Məhəmməd
Məmmədov və Səid Quliyev (-74 kq) dörd qarşılaşmadan
qalib ayrılsalar da yarımfinal uğrunda döyüşdən məğlub
ayrılaraq, turniri medalsız başa vurublar. Komandamız
Koreya Respublikasına baş məşqçi Reza Mehmandoust, böyük
məşqçi Elnur Amanov və Sun Mi Parkın rəhbərliyi ilə
yollanmışdır.
Qadınlardan ibarət komandamızın üzvlərindən Təranə
Məmmədova (- 46 kq), Patimat Abakarova (-49 kq), Marina
Tedeeva (- 62 kq), Daria Şkurko (-62 kq) baş məşqçi Sun
Mi Parkın rəhbərliyi ilə təlim-məşqləri Koreyada davam
etdirəcəklər.
Rəşad RAMAZANOĞLU,
“Azərbaycan müəllimi” |