Javascript DHTML Drop Down Menu Powered by dhtml-menu-builder.com

ARXİV

8 Avqust 2015 - №29

 

Güləşçilərimiz Avropa çempionatında medallar qazanıblar

 

Serbiyanın Subotiça şəhərində yeniyetmə güləşçilər arasında Avropa çempionatı davam edir.

Çempionatın ilk iki günündə mübarizə aparan kişi sərbəst güləşçilərimiz 2 qızıl və 3 bürünc medal əldə ediblər. İslam Bazarqanov (50 kq) və Alimaqomed Alixmayev (100 kq) qızıl, Əsgər Məmmədəliyev (42 kq), Geriya Qadisa (58 kq) və İsmayıl Abdullayev (69 kq) bürünc medal qazanıblar.

AZƏRTAC xəbər verir ki, yarışların üçüncü günündə 38, 43, 49, 56 və 65 kiloqram çəki dərəcələrində yeniyetmə qızlar mübarizəyə qoşulublar. Güləşçilərimiz dörd çəkidə mübarizə aparıb və günü 1 gümüş və 1 bürünc medalla başa vurublar.

Yarışda 38 kiloqram çəki dərəcəsində mübarizə aparan Zemfira Ələkbərli Ukrayna və Rusiyadan olan rəqiblərini üstələyərək finala yüksəlib. Finalda Latviya idmançısına uduzan güləşçimiz Avropa çempionatının gümüş medalına yiyələnib.

Turnirdə 43 kiloqram çəki dərəcəsində isə Aynur Camalova Avstriya və Almaniyadan olan rəqiblərini məğlub etsə də, yarımfinalda rumıniyalı rəqibinə uduzub. Həlledici görüşdə Polşa idmançısına tam üstünlüklə qalib gələn güləşçimiz Avropa çempionatının bürünc medalını qazanıb.

Bürünc medal uğrunda görüşə haqq qazanan digər bir idmançımız isə 56 kiloqram çəki dərəcəsində yarışan Şəbnəm Həmidova olub. Gürcüstan və İtaliyadan olan rəqiblərini vaxtından əvvəl təmiz qələbə ilə üstələyən güləşçimiz yarımfinalda Rusiya təmsilçisinə uduzub. Bürünc medal uğrunda görüşdə Polşa idmançısına məğlub olan Şəbnəm Həmidova çempionatı 5-ci sırada tamamlayıb.

 
 
 
Səhifənin başına qalx "İdman" bölməsinə get Nömrənin müdəricatına dön Səhifənin başına qalx
 

AZƏRBAYCANIN TƏHSİL NAZİRLƏRİ

 

DÜNYA UNİVERSİTETLƏRİ

 

DÜNYA TƏHSİLİ

 

700 BAL TOPLAYANLAR

 
 
 

Copyright  ©  All Rights Reserved.
Created and supported by Mehman Shafagatov