|
Azərbaycan Respublikası Təhsil Problemləri İnstitutunda
ümumtəhsil məktəblərində təlimin təşkilinin
səmərəliliyinin artırılması məqsədilə II siniflərdə
tədris olunan bütün fənlər üzrə, V-VII siniflərdə isə
Azərbaycan dili və ədəbiyyat, Azərbaycan tarixi, ümumi
tarix, riyaziyyat, informatika, fizika, kimya, biologiya,
coğrafiya və həyat bilgisi fənləri üzrə müəllimlərə
praktik kömək göstərmək üçün yeni fənn kurikulumları
əsasında tematik planlaşdırma nümunələri hazırlanmış və
institutun Təhsil Texnologiyaları Mərkəzinin
nəşriyyatında vəsait şəklində çap olunmuşdur.
Metodik tövsiyələr hazırlanarkən bu fənlərə aid məzmun
standartları, yeni təlim strategiyaları əsas götürülmüş,
mövcud dərsliklərə istinad edilmiş, yeni məktəbdaxili
qiymətləndirmə siyasətinə uyğun olaraq kiçik və böyük
summativ qiymətləndirmələrin keçirilmə ardıcıllığı qeyd
edilmişdir. Həmçinin təxmini planlaşdırma hazırlanarkən
tədris ilinin 34 həftə olması diqqət mərkəzində
saxlanılmışdır.
Mütəxəssislər və bir qrup müəllimlər tərəfindən
hazırlanan tövsiyələr işçi qruplarında müzakirə olunaraq
bəyənilmişdir.
Təhsil
Problemləri
İnstitutu
|
