Sankt-Peterburqda boks üzrə yeniyetmələr arasında dünya
birinciliyi davam edir. Yarışın növbəti günündə
Azərbaycan milli komandasının 3 üzvü rinqə çıxıb.
Yeniyetmələr arasında Avropa çempionu Bəxtiyar Qazıbəyov
(60 kq) dünya birinciliyinə uğurla başlayıb. Boksçumuz
ukraynalı Zaxar Stepanovu məğlub edib. Həmyerlimiz
səkkizdəbir finalda macarıstanlı Mata Lakatosla üz-üzə
gələcək.
Digər təmsilçilərimiz Elbrus Əkbərov (75 kq) və Hüseyn
Sadıqov (52 kq) isə ilkin mərhələdə uduzaraq mübarizəni
dayandırmalı olublar. Elbrus Əkbərov gərgin mübarizədə
Hindistan təmsilçisi Sandip Çanqhasa məğlub olub - 1:2.
Hüseyn Sadıqov isə İsrail boksçusu David Xarmatsa uduzub.
Rəşad RAMAZANOĞLU,
"Azərbaycan müəllimi" |