Javascript DHTML Drop Down Menu Powered by dhtml-menu-builder.com

ARXİV

19 Sentyabr 2015 - №35

 

Yeni tədris ili ADPU-nun kollektivi üçün də bir sıra yeniliklərlə başlayıb

 

Böyütmək üçün seçinSentyabrın 15-də Azərbaycan Dövlət Pedaqoji Universitetində (ADPU) Bilik gününə həsr edilmiş tədbir keçirilib. Tədbirdə çıxış edən ADPU-nun rektoru, AMEA-nın müxbir üzvü, əməkdar elm xadimi, professor Yusif Məmmədov universitetin professor-müəllim heyətini və tələbə kollektivini, xüsusilə də, bu il universitetə qəbul olmuş I kurs tələbələrini 2015-2016-cı tədris ilinin başlanması münasibətilə təbrik edib, onlara uğurlar arzulayıb.

Y.Məmmədov çıxışında bildirib ki, ümummilli liderimiz Heydər Əliyevin strateji inkişaf konsepsiyasını çox uğurla davam etdirən Azərbaycan Respublikasının Prezidenti cənab İlham Əliyev elm və təhsilə böyük qayğı və diqqət göstərir. Dövlət başçısı cənab İlham Əliyevin elm və təhsili ölkəmizin davamlı inkişaf strategiyasının əsas istiqamətlərindən biri elan etməsi bu sahəni yüksək inkişaf yoluna çıxarmışdır. İqtisadi cəhətdən sürətlə inkişaf edən, siyasi cəhətdən sabit, bütün dünyada siyasi nüfuzu durmadan yüksələn, müntəzəm olaraq mötəbər beynəlxalq tədbirlərin keçirildiyi dünyəvi, tolerant Azərbaycanda təhsilin inkişafı ölkəmizin ümumi inkişaf strategiyasının tərkib hissəsinə çevrilmişdir. Həyata keçirilən uğurlu sosial-iqtisadi siyasət nəticəsində ölkəmizin iqtisadi imkanları ilbəil sürətlə artır və bu sürətli, dinamik iqtisadi inkişafa uyğun olaraq elm və təhsilə göstərilən qayğı və diqqət də yüksəlir.

Azərbaycanda təhsil sahəsində bir çox layihələrin uğurla həyata keçirilməsində ölkənin birinci xanımı, Heydər Əliyev Fondunun prezidenti, Milli Məclisin deputatı, UNESCO-nun və İSESCO-nun xoşməramlı səfiri Mehriban Əliyeva böyük və əvəzsiz xidmətlər göstərir.

Rektor Y.Məmmədov qeyd edib ki, yeni tədris ilinin başlanması ADPU-nun professor-müəllim heyətinin və tələbə kollektivinin həyatında xoş və əlamətdar bir hadisədir. 2015-2016-cı tədris ili respublikamızın qabaqcıl ali təhsil müəssisələrindən biri olan ADPU-nun kollektivi üçün də bir sıra yeniliklərlə başlayıb. Belə ki, bu il ADPU-ya 10 fakültə, 21 ixtisas üzrə 1949 nəfər, rus bölməsində isə 10 ixtisas üzrə 109 nəfər qəbul edilib. Bütövlükdə builki tədris ilində ADPU-ya 2058 nəfər bakalavr qəbul edilib.  Eyni zamanda bu il ADPU-ya ali təhsilin magistratura pilləsinə 20 ixtisas üzrə 290 nəfər magistrant qəbul edilib.

Yeni tədris ilində ADPU-ya ali təhsilin bakalavriat pilləsində dövlət sifarişi əsasında 1327 nəfər qəbul edilib. Cari tədris ilində ADPU-nun magistraturasına isə dövlət sifarişi əsasında 134 nəfər magistrant daxil olmuşdur. Həmçinin Təhsil Nazirliyinin həyata keçirdiyi SABAH qrupları layihəsinə uyğun olaraq yeni tədris ilində "İbtidai sinif müəllimliyi" ixtisası üzrə 15 nəfərdən ibarət qrup təşkil edilib.

Tədbirdə çıxış edən Səbail Rayon İcra Hakimiyyəti başçısının müavini Eldar Ağayev, pedaqogika və psixologiya fakültəsinin dekanı, dosent Şəhla Əliyeva, həmin fakültənin məktəbəqədər pedaqogika kafedrasının müdiri, professor Müseyib İlyasov, valideyn Ramiz Edirov, həmçinin tarix fakültəsinin II kurs tələbəsi Şəlalə Qurbanova müəllim və tələbələri yeni tədris ilinin başlanması münasibətilə təbrik edərək onlara uğurlar arzulayıblar. 

ADPU-nun Mətbuat və informasiya şöbəsi

 
 
 
Səhifənin başına qalx "Xəbərlər" bölməsinə get Nömrənin müdəricatına dön Səhifənin başına qalx
 

AZƏRBAYCANIN TƏHSİL NAZİRLƏRİ

 

DÜNYA UNİVERSİTETLƏRİ

 

DÜNYA TƏHSİLİ

 

700 BAL TOPLAYANLAR

 
 
 

Copyright  ©  All Rights Reserved.
Created and supported by Mehman Shafagatov