Javascript DHTML Drop Down Menu Powered by dhtml-menu-builder.com

ARXİV

19 Sentyabr 2015 - №35

 

Liseyin 13 məzunu xarici ölkələrin ali məktəblərinə qəbul olunub

 

Böyütmək üçün seçin Bakıdakı  6  nömrəli  məktəb-liseydə yeni dərs ilinin başlanması münasibətilə  Bilik gününə  həsr olunmuş tədbir keçirilib.  Azərbaycanın  Dövlət himninin  ifası ilə başlanan tədbirdə  6 nömrəli  məktəb-liseyin direktoru, əməkdar müəllim Gülşən Orucova çıxış edib. Bildirilib ki, yaşı 100 ildən çox olan tədris ocağı Azərbaycan Respublikasının Prezidenti cənab İlham Əliyevin sərəncamına əsasən  2010-cu ildə sökülərək yenidən müasir standartlara  uyğun inşa olunub və  2011-ci il sentyabrın 15-də cənab Prezidentin iştirakı ilə açılış mərasimi keçirilib. Dövlət başçısının bir vaxtlar oxuyub təhsil aldığı doğma məktəbinə olan diqqət  və qayğısı bütün pedaqoji kollektivi daha yaxşı işləməyə, vətənimiz üçün savadlı və vətənpərvər nəslin yetişdirilməsi işində daha məsuliyyətlə çalışmağa sövq  edib.  Məktəb 2 dəfə "Ən yaxşı ümumtəhsil məktəbi" müsabiqəsinin,  15 nəfər müəllimi isə "Ən yaxşı müəllim" müsabiqəsinin qalibləri   olublar.

2014-2015-ci tədris ilinin yekunlarına görə məktəbi 5 sinifdə 140 nəfər bitirmiş, onların 134 nəfəri ali məktəblərə qəbul olunmuşdur. Məzunların 6 nəfəri 600-dən, 4 nəfəri isə 650-dən çox bal toplayıb. 3 məzun qızıl medala  layiq görülüb, 13 nəfər isə xarici ölkələrin ali məktəbinə qəbul olunub.

2015-ci ildə Təhsil Nazirliyinin qərarı ilə Yasamal rayonundakı 150  nömrəli tam orta məktəb 6 nömrəli  məktəb-liseyə  birləşdirilib, bu ildən məktəbin II korpusu kimi fəaliyyət göstərəcək.

Gülşən Orucova daha sonra təhsilə olan diqqət və qayğıya, məktəbdə yaradılan şəraitə görə cənab Prezident İlham Əliyevə  öz dərin təşəkkürünü bildirib.

 Tədbirdə iştirak edən Səbail Rayon İcra Hakimiyyəti başçısının birinci müavini Xalidə Bayramova məktəbin kollektivini yeni dərs ilinin başlanması münasibəti ilə  təbrik  edib, onlara təhsildə uğurlar arzulayıb.

Çıxışlarda qeyd olunub ki, son illərdə təhsildə  qazanılan bütün uğurlar ölkə başçısı cənab İlham Əliyevin təhsilin inkişafı ilə əlaqədar imzaladığı dövlət  proqramlarının,  həyata keçirilən islahatların, ölkənin birinci xanımı Mehriban Əliyevanın təhsil obyektlərinin yeniləşməsi sahəsində gördüyü işlərin və dövlətimizin bu sahəyə xüsusi qayğısının nəticəsi kimi qəbul olunmalıdır. Prezident İlham Əliyevin müdrik siyasəti nəticəsində bu gün  respublikamızın hər yerində,  xüsusən də  Səbail rayonunda təhsilin səviyyəsi günü-gündən artmaqdadır. Yeni məktəblər tikilib, bir çox təhsil müəssisələri əsaslı  surətdə təmir olunub,  təhsil ocaqlarının maddi-texniki bazaları möhkəmləndirilib.

Çıxış edənlər təhsilə olan diqqət və qayğıya, məktəblərdə yaradılan şəraitə görə cənab Prezident İlham Əliyevə  öz dərin təşəkkürlərini  bildiriblər. 

Sifai SƏFƏROVA,
"Azərbaycan müəllimi" 

 
 
 
Səhifənin başına qalx "Xəbərlər" bölməsinə get Nömrənin müdəricatına dön Səhifənin başına qalx
 

AZƏRBAYCANIN TƏHSİL NAZİRLƏRİ

 

DÜNYA UNİVERSİTETLƏRİ

 

DÜNYA TƏHSİLİ

 

700 BAL TOPLAYANLAR

 
 
 

Copyright  ©  All Rights Reserved.
Created and supported by Mehman Shafagatov