Javascript DHTML Drop Down Menu Powered by dhtml-menu-builder.com

ARXİV

19 Sentyabr 2015 - №35

 

"Əlvida bağça, salam, doğma məktəb"

 

Böyütmək üçün seçinBakıdakı 51 nömrəli tam orta məktəbdə yeni dərs ilinin başlanması münasibətilə tədbir keçirildi. Məktəbin direktoru Lətafət Səmədova 15 sentyabr - Bilik günü münasibətilə şagirdləri, valideynləri və bütün pedaqoji kollektivi təbrik etdi. O, son illər Azərbaycanda təhsil sahəsinə göstərilən dövlət qayğısından ətraflı danışaraq bildirdi ki, hər il yeni-yeni məktəblər tikilir, təmir işləri aparılır. Tikilən məktəblər müasir laboratoriyalarla, texniki avadanlıqlarla təchiz edilir.

Qeyd olundu ki, hazırda məktəbdə 1400-dən artıq şagird təhsil alır.  Onların təlim-tərbiyəsi ilə 115 müəllim məşğul olur. Bu il birinci sinfə 130 nəfər qəbul olunub. Ötənilki məzunların 60 faizi respublikamızın müxtəlif ali məktəblərinə qəbul olunub. Abituriyentlərdən 5-i 500-dən yuxarı, 2-si isə 600-dən yuxarı bal toplayıb. Kollektivdə öz işini bilən peşəkar kadrlar çoxdur və onlar bilik və bacarıqlarını böyüməkdə olan nəslə həvəslə öyrədirlər.

Sonra "1a"  sinfinin rəhbəri Səkinə İbadovanın hazırladığı "Əlvida bağça, salam, doğma məktəb" adlı bədii kompozisiya nümayiş etdirildi. Məktəbə ilk qədəmlərini atan Yaqub, Əli, Rüstəm, Atilla, Ayla, Sevil, Leyla və başqaları Vətən, məktəb, bayraq və s. haqqında şeirlər söylədilər, mahnılar oxudular, rəqs etdilər.

Sonda ilk zəng çalındı.  Məktəb həyatında ilk kövrək addımlarını atan şagirdlər bu zəngin sədaları altında sevinclə sinif otaqlarına axışdılar. Onları qarşıda elmin sirlərinə dərindən yiyələnmək üçün gərgin günlər, aylar və illər gözləyir. Bu çətin və şərəfli işdə bütün pedaqoji kollektivə və şagirdlərə uğurlar arzulayırıq. 

Qabil YUSİFOĞLU

 
 
 
Səhifənin başına qalx "Xəbərlər" bölməsinə get Nömrənin müdəricatına dön Səhifənin başına qalx
 

AZƏRBAYCANIN TƏHSİL NAZİRLƏRİ

 

DÜNYA UNİVERSİTETLƏRİ

 

DÜNYA TƏHSİLİ

 

700 BAL TOPLAYANLAR

 
 
 

Copyright  ©  All Rights Reserved.
Created and supported by Mehman Shafagatov