* Oktyabrın 16-da Azərbaycan Respublikasının Prezidenti
İlham Əliyev MDB Dövlət Başçıları Şurasının
Qazaxıstanda keçirilən iclasında iştirak edib.
* Prezident İlham Əliyev MDB Dövlət Başçıları Şurasının
Qazaxıstan Respublikasının Akmola vilayətinin Burabay
qəsəbəsində keçiriləcək iclasında iştirak etmək üçün
oktyabrın 15-də bu ölkəyə işgüzar səfərə gedib.
* Oktyabrın 14-də dövlət başçısı İlham Əliyev Cahangir
Zeynalovun 150 illik yubileyinin keçirilməsi haqqında
sərəncam imzalayıb.
* Ölkə başçısı İlham Əliyev oktyabrın 14-də “Dövlət
qulluğu haqqında” Azərbaycan Respublikasının Qanununda
dəyişikliklər edilməsi barədə”Azərbaycan Respublikasının
2015-ci il 30 sentyabr tarixli 1339-IVQD nömrəli
Qanununun tətbiqi haqqında sərəncam imzalayıb.
* Oktyabrın 12-də Azərbaycan Respublikasının Prezidenti
İlham Əliyevin sədrliyi ilə Nazirlər Kabinetinin 2015-ci
ilin doqquz ayının sosial-iqtisadi inkişafının
yekunlarına və qarşıda duran vəzifələrə həsr olunmuş
iclası keçirilib. Dövlətimizin başçısı iclasda giriş və
yekun nitqi söyləyib.
* Prezident İlham Əliyev oktyabrın 12-də “Azərbaycan
Dəmir Yolları” Qapalı Səhmdar Cəmiyyətinin işçilərinə
fəxri adlar verilməsi haqqında sərəncam imzalayıb.
* Oktyabrın 12-də ölkə başçısı İlham Əliyev
Azərbaycan dəmir yolu nəqliyyatı işçilərinin “Tərəqqi”
medalı ilə təltif edilməsi haqqında sərəncam imzalayıb.
* Prezident İlham Əliyev oktyabrın 12-də Belarus
Respublikasının Prezidenti Aleksandr Lukaşenkoya
yenidən Belarus Respublikasının Prezidenti vəzifəsinə
seçilməsi münasibətilə təbrik məktubu göndərib.
* Azərbaycan Respublikasının Prezidenti İlham Əliyev
oktyabrın 10-da Gürcüstanın Baş naziri İrakli
Qaribaşvilini qəbul edib.
* Oktyabrın 10-da Prezident İlham Əliyev Türkiyə
Respublikasının Prezidenti Rəcəb Tayyib Ərdoğana
Ankarada törədilmiş partlayışlar nəticəsində çoxsaylı
insan tələfatı ilə əlaqədar başsağlığı verib. |