Javascript DHTML Drop Down Menu Powered by dhtml-menu-builder.com

ARXİV

19 Dekabr 2015 - №47

 

Pedaqoji kollektiv uğurlarını artırmaq əzmindədir

 

Böyütmək üçün seçinCari tədris ilinin əvvəlindən  Bakı şəhəri 263 nömrəli tam orta məktəbdə təlim-tərbiyənin günün tələbləri səviyyəsində qurulmasına xüsusi diqqət yetirilir.

Təhsil ocağında şagirdlərin təlim - tərbiyəsi ilə 156  müəllim  məşğul olur.  Təhsil müəssisəsi 2012-2013-cü tədris ilində “Ən yaxşı ümumtəhsil məktəbi” müsabiqəsinin qaliblərindən biri olub. Hazırda  pedaqoji işçilər  metodiki cəhətdən öz bilik və bacarıqlarını daim artırır, tədrisdə interaktiv təlim metodlarından geniş istifadə edirlər. Bununla əlaqədar interaktiv, innovasiya, kurikulumyönümlü “açıq dərs”lər keçilir və  keçilən dərslər mütəxəssislərin iştirakı ilə pedaqoji şurada  müzakirə edilir.

Ötən  tədris ilində məktəbi bitirən məzunların əksəriyyəti  yüksək balla respublikanın, eləcə də  xarici ölkələrin   ali məktəblərinə  qəbul olub. Bu göstərici  isə ötən tədris ilində məktəb üzrə  74,03%  təşkil edib.

Məktəbin şagirdləri  eyni zamanda müxtəlif müsabiqə və yarışlarda, fənn olimpiadalarında qazandıqları uğurlarla da seçilirlər. Belə ki, respublika  olimpiadasında tarix  fənni üzrə X sinif şagirdi  Zəminə Həsənova bürünc medala  layiq  görülüb.  

Təhsil ocağının idman sahəsində də  qazandığı  uğurlar    böyükdür.

Məktəbin pedaqoji kollektivi təhsillə bağlı  respublika və beynəlxalq səviyyəli layihələrdə, habelə inkişafyönümlü innovativ təhsil proqramlarında fəal iştirak edir,  istedadlı şagird və müəllimlərin əməyi isə stimullaşdırılır. Sinifdənxaric və məktəbdənkənar, o cümlədən,  müxtəlif tədbirlərin  təşkilində  valideynlərin iştirakı təmin edilir.

Burada  İKT-nin tətbiqi diqqətdə saxlanılır.  İstər informatika, istərsə də ayrı-ayrı fənlərin tədrisində  müəllimlər  İKT-dən  bacarıqla istifadə etməklə dərslərini kurikulumun  tələbləri səviyyəsində  keçirlər.

Məktəbin  direktoru Nəsimi Abbasov bildirir ki, hazırda qazanılan nailiyyətlərə  baxmayaraq,  263 nömrəli tam orta məktəbin pedaqoji kollektivi  işə böyük  həvəslə yanaşır  və  yüksək tədris keyfiyyətinə  nail olmaq üçün beynəlxalq və ölkədaxili layihələr üzrə  gördüyü işləri daha da genişləndirir. 

Şakir CƏFƏROV,
“Azərbaycan müəllimi”

 
 
 
Səhifənin başına qalx "Xəbərlər" bölməsinə get Nömrənin müdəricatına dön Səhifənin başına qalx
 

AZƏRBAYCANIN TƏHSİL NAZİRLƏRİ

 

DÜNYA UNİVERSİTETLƏRİ

 

DÜNYA TƏHSİLİ

 

700 BAL TOPLAYANLAR

 
 
 

Copyright  ©  All Rights Reserved.
Created and supported by Mehman Shafagatov