Javascript DHTML Drop Down Menu Powered by dhtml-menu-builder.com

ARXİV

26 Dekabr 2015 - №48

 

“Azərbaycan” şeirində bədii təsvir vasitələri mövzusunda “açıq dərs”

 

Böyütmək üçün seçinBakı şəhəri 158 nömrəli tam orta  məktəbdə  görkəmli  şair Səməd Vurğunun “Azərbaycan” şeirində bədii təsvir vasitələri mövzusunda “açıq dərs” keçilib. Dərs prosesində məktəbin Azərbaycan dili  və ədəbiyyatı müəllimi Xuraman Əliyeva interaktiv təlim metodlarından ustalıqla bəhrələnib. Slaydlar vasitəsilə  səslənən  “Azərbaycan” şeirinin sədaları şagirdləri daha  da fəal olmağa həvəsləndirib.  Dərsdə əqli hücum, müqayisə, diskussiya və s. üsullardan istifadə  olunub  və  ilkin  mərhələdə  motivasiyanın yaradılmasına üstünlük verilib. “Azərbaycan nə üçün qüdrətli bir ölkədir”  tədqiqat  xarakterli  sualla  sinfə müraciət edən müəllim  5-ç sinfinin şagirdlərini    mövzuya uyğun olaraq  “Azərbaycan”, “Qarabağ”  “Kəpəz”, “Bənövşə” və  “Göyəzən” adlı qruplara  bölüb.  Sonra qrupun  rəhbərləri - Ayətdin Heydərov, Səbinə Şərbətzadə,  Şəkərəli Süleymanov, Xanım Hüseynova, Günay  Bayramova rəngli kartoçkalarda  təqdim olunan   suallarla tanış olublar. Onlar  Səməd Vurğunun “Azərbaycan” şeirində  işlənmiş  bədii təsvir və ifadə vasitələrini  çox aydın şəkildə dəqiq müəyyən ediblər. İkinci mərhələdə qruplar arasında şeir yarışı keçirilib. Tayfun, Xeyransa, Nurlan, Nəzrin, Telman, Məryəm, Rəvan, Nərgiz və Nihad    görkəmli ədibin şeirlərindən nümunələr söyləyiblər.  Abduləziz Məmmədov və Günay Bayramovanın ifasında “Ananın öyüdü” şeiri səhnələşdirilmiş formada nümayiş edilib. Üçüncü mərhələdə isə müxtəlif tapşırıqlar yazılmış kartoçkalar qruplara paylanılıb. Yenə rəsm nümunələri göstərilib, müxtəlif mövzularda esse oxunub. Şagirdlər cavablarında Azərbaycanın  necə  qüdrətli bir dövlət olduğunu ifadə ediblər. 

Xuraman müəllim dərsdə qiymətləndirməni hər qrup üçün meyar cədvəlinə əsasən həyata keçirməklə dərsin  bütün mərhələlərində qiymətləndirmə aparıb. Qiymətləndirmə  uşaqlar üçün özünüqiymətləndirmə və  özünənəzarət prinsipi ilə  həyata keçirilib. Müəllim uşaqların fəallığını qiymətləndirib. Sonda müəllim  evə “Mənim vətənim çox qüdrətli ölkədir”  mövzusunda  esse yazmağı  tapşırıb. Dərsin gedişindən razı qaldıqlarını bildirən  qonaqlar qeyd ediblər ki,  BİBÖ, Venn diaqramı, klaster, auksion, söz assosiasiyası, rollu oyunlar  və s. kimi  yeni təlim üsulları ilə keçilən bu cür  dərslər daha  maraqlı olur.   Məktəbin direktoru  Mehriban Ələkbərova  şagirdlərin cavablarından və ümumiyyətlə, yeni təlim metodlarından  istifadə olunmaqla nümayiş olunan “açıq dərs”dən razı qaldığını söyləyib.  

Sifai SƏFƏROVA,
“Azərbaycan müəllimi”

 
 
 
Səhifənin başına qalx "Xəbərlər" bölməsinə get Nömrənin müdəricatına dön Səhifənin başına qalx
 

AZƏRBAYCANIN TƏHSİL NAZİRLƏRİ

 

DÜNYA UNİVERSİTETLƏRİ

 

DÜNYA TƏHSİLİ

 

700 BAL TOPLAYANLAR

 
 
 

Copyright  ©  All Rights Reserved.
Created and supported by Mehman Shafagatov