|
|
· Ana səhifə· Rəsmi· Heydər Əliyev Fondu· Əmrlər, sərəncamlar· Təhsil Nazirliyində· Xəbərlər· Pedaqoji yazılar· Məktəblərimiz· Bizimlə əlaqə
|
İnternet müasir valideynin ən yaxşı köməkçisidir Bizim valideynlərə verdiyimiz
məsləhətlərin əsas məğzi uşaqların
şəbəkədə necə təhlükəsiz işləməsini
təşkil etməyin yolları barədədir. Biz İnternetin
əsas qadağan olunmuş qaydalarını yorulmadan
təkrarlayırıq: məlum olmayan göndərilənləri
açmayın, özbaşına şübhəli saytlarda gəzişməyin,
öz şəxsi məlumatlarınızı çat
sahiblərinə verməyin və öz parolunuzdan başqaları
istifadə etməsin. İnanırıq ki, bu tövsiyələri
və qaydaları nəinki
valideynlər özləri, hətta onların uşaqları
belə çoxdan mənimsəyiblər. Aydındır
ki, öz uşaqlarının qayğısına daha çox
qalan valideynlər özlərini yaddan çıxarırlar.
Qurtarmaq bilməyən məktəb-dərs-gündəlik-dərnək
problemləri valideynlərin başını elə
qatır ki, özünə diqqət
göstərməyə, öz maraqlarını təmin
etməyə onların vaxtı belə qalmır. Hər bir İnternet həvəskarı iki
dəqiqə və ya iki saat vaxt tapıb dünyanın bütün
əsrarəngiz gözəlliklərini seyr edə bilər.
Onlar öz sevimli səhifələrində zənzibor milçəklərindən
tutmuş ən ətirli, aramatlı təbiət gözəlliklərini
tapır, oraya səyahət edir və zövq alırlar. Tərbiyə işində təcrübəsi
az olan minlərlə gənc ata və ana onları narahat
edən suallara və problemlərə cavab tapmaq üçün
vaxtlarının çoxunu metroların qarşısında keçirirlər.
Digər cəhətdən, artıq tərbiyə
sahəsində böyük təcrübəyə malik olan
valideynlər öz təəssüratlarını bu sahə
ilə tanışlığa başlayan
valideynlərlə bölüşmək istəyirlər. Bu cür
fəalların təşəbbüsü ilə ixtisaslaşdırılmış
forumlar yaradılır. Burada 1 aylıq hamiləlikdən
tutmuş, 45 yaşlı oğlanı necə
evləndirməyə qədər hər şeyi müzakirə
etmək olar. Bu, əlbəttə, həvəskarlar
səviyyəsində həyata keçirilir. Bir nəfər
forum iştirakçısının səhv addımı
onlarca forum iştirakçısını səhv addım atmağa
vadar edə bilər. Belə hallarda diqqətli olmaq və
verilən məlumatı mütləq yoxlamaq lazımdır. Bunun üçün mütəxəssislərin təşkil
etdiyi forumlarda iştirak etmək məsləhətdir. Siz
burada ailənizə, uşağınıza xeyir
verəcək dəqiq informasiya və
məsləhətləri əldə edə,
dinləyə bilərsiniz. öz işini sevən elə mütəxəssislər
də var ki, onlar sürətli informasiya mübadiləsinin köməyi
ilə də məsləhətləşmə apara
bilərlər. Yaddan çıxarmayın ki, şəbəkədə
bu barədə xüsusi ədəbiyyatı asanlıqla tapa
bilərsiniz. çoxlu sayda virtual kitabxanalar günün
istənilən saatında sizə xidmət etməyə
hazırdır. Təcrübəyə əsasən deyə
bilərik ki, bütün kitabları elektron formada, bəzən
hətta audio kitab kimi də axtarıb tapmaq olar. Runet zonasında çoxdandır ki,
ailəyə, uşaqlara, təhsil və
tərbiyəyə həsr olunmuş dəyərli
informasiya portalları fəaliyyət göstərir. Burada ayrı-ayrı
mövzulara həsr olunmuş çoxlu sayda materiallar var. Oğlunuzun
sevimli əyləncəsini, kiçikyaşlı uşaqların
söylədikləri maraqlı
söhbətləri, gənclərin daha çox oxuduqları
əsərləri, təhsilə aid oyunları da siz burada
tapa bilərsiniz. Bu cür portallar həm uşaqların,
həm də valideynlərin qarşısında geniş
imkanlar açır. Məktəblərin çoxu proqressiv yol seçərək
İnternetdə özlərinin veb-saytını açıblar.
Burada yerləşdirilən materialların sayı və
keyfiyyəti təkcə informatika müəllimindən deyil,
həm də veb-saytın yaranmasında və materialla
təmin olunmasında iştirak edən uşaqlardan da çox
asılıdır. Bu işdə valideynlər də
kənarda qalmayacaq. Bir çox saytlarda məktəb,
məktəbin qarşısında duran məqsəd
və vəzifələr barədə tam məlumat almaq
olar. Bunun üçün pedaqoji heyətin gözü ilə, tədris ocağının
arxitekturasına, siniflərin interyerinə və sair baxmaq
kifayətdir. Bundan əlavə, bir çox müəllimlər
məktəbdə və kənarda
baş verən hadisələri əhatə edən
İnternet jurnalları tərtib edir ki, valideynlər bu
jurnlallara baxıb öz övladlarının bütün müvəffəqiyyətləri
və qələbələri ilə tanış ola
bilərlər. Direktor müavinləri həftənin dördüncü
günləri məktəbdə və məktəbdən
kənarda keçirilən ən maraqlı tədbirlər
barədə məlumatı saytda yerləşdirir. Uşaqlar
da arzu etdikləri ekskursiya və digər tədbirlər
barədə məlumatı burada yerləşdirə
bilər. Bunlardan əlavə, nümunəvi saytlarda
"forum" bölməsi var və burada müəllimlərlə,
valideynlərlə, uşaqlarla danışmaq,
əlaqə saxlamaq təklif olunur. Virtual şəraitdə
bir çox barışmaz rəqiblər bir-birləri ilə
ümumi dil tapır, dostluq əlaqələri yaradır
və xoş münasibət qururlar. ümumiyyətlə,
belə səhifələrə daxil olmaq maraqlı və
xeyirli məşğuliyyətdir. Əgər siz Şərq tərbiyə
sisteminin tərəfdarısınızsa və yaxud
əksinə, Qərb tərbiyə sisteminə üstünlük
verirsinizsə, asanlıqla ümumdünya İnternet sistemi
vasitəsilə o ölkəyə səyahət edə
və oradakıları öyrənə bilərsiniz. Bu
sahədə istədiyiniz qədər informasiya var.
Sizə isə ancaq dil vərdişlərinə
yiyələnmək və lüğətlərin köməyi
ilə lazım olan materialı tərcümə etmək qalır.
Burada İnternetin simasında sizin yaxşı köməkçiniz
var. Birincisi, saytların çoxu bir neçə dildə verilir.
İkincisi, onlayn lüğətləri və proqramları -
tərcüməçiləri həmişə sizin qulluğunuzdadır.
Ancaq burada bir məsələni diqqətdə saxlamaq lazımdır.
Hər halda kompüter tərcüməsi elə bir proqramdır
ki, o, tərcüməni incəliklərinə qədər
dəqiqliklə edə bilməz. Buna görə proqramdan ağılla
istifadə edin. www.content-filterinq.ru saytının
materialları əsasında hazırlanıb
|