Müstəqil Azərbaycan Heydər Əliyevin şah əsəridir

"Gülüstan" sarayında məktəblilərin inşa yazı müsabiqəsinin qaliblərinin mükafatlandırılma mərasimi keçirildi

Aprelin 30-da "Gülüstan" sarayında ümummilli liderimiz, dahi şəxsiyyət  Heydər Əliyevin anadan olmasının 85-ci ildönümü münasibətilə Təhsil Nazirliyi, Yeni Azərbaycan Partiyası və Azərbaycan Təhsil İşçiləri Azad Həmkarlar İttifaqı Respublika Komitəsinin birgə təşkilatçılığı ilə məktəblilər arasında keçirilmiş "Müstəqil Azərbaycan Heydər Əliyevin şah əsəridir" inşa yazı müsabiqəsinin qaliblərinin mükafatlandırılması mərasimi oldu.Tədbirdə təhsil naziri Misir Mərdanov, Yeni Azərbaycan Partiyası sədrinin müavini, icra katibi, millət vəkili Əli Əhmədov, Azərbaycan Təhsil İşçiləri Azad Həmkarlar İttifaqı Respublika Komitəsi sədrinin müavini Şaiq Əsgərov, millət vəkili Mübariz Qurbanlı, təhsil nazirinin müavinləri İsgəndər İsgəndərov, Elmar Qasımov, İradə Hüseynova, Bakı Şəhəri üzrə Təhsil İdarəsinin müdiri Nailə Rzaquliyeva, "çağ" öyrətim İşlətmələri İdarə Heyətinin sədri Ənvər özərən, Azərbaycan-Türkiyə özəl liseyləri Baş İdarəsinin rəisi Adəm önal  və digər şəxslər iştirak edirdilər.

Mərasim iştirakçıları öncə ümummilli liderimiz Heydər Əliyevin əziz xatirəsini bir dəqiqəlik sükutla yad etdilər.

 Tədbiri  təhsil naziri Misir Mərdanov  açaraq qeyd etdi ki, hazırda müstəqil Azərbaycan dövləti və xalqı milli dövlətçiliyimiz üçün çox önəmli bir tarixi hadisə ərəfəsindədir. Xalqımız mayın 10-da müasir Azərbaycan dövlətinin banisi və qurucusu, dahi şəxsiyyət, ümummilli lider Heydər Əliyevin anadan olmasının 85-ci ildönümünü təntənə ilə qeyd etməyə hazırlaşır.  Azərbaycan Respublikasının Prezidenti cənab İlham Əliyevin 11 mart 2008-ci il tarixli "Azərbaycan  xalqının ümummilli lideri Heydər Əliyevin 85 illik yubileyi haqqında" sərəncamına əsasən dahi öndərin yubileyi dövlət səviyyəsində geniş qeyd olunacaq.

Azərbaycanın sosial-siyasi və mədəni həyatının bütün sferalarında olduğu kimi, təhsil sahəsində də bu əlamətdar tarixi günü ümummilli liderin adına və xalqımız qarşısındakı əvəzsiz xidmətlərinə layiq yüksək səviyyədə qarşılamaq və qeyd etmək üçün Təhsil Nazirliyi tərəfindən müvafiq tədbirlər planı hazırlanıb və ardıcıl olaraq həyata keçirilməkdədir.  Belə tədbirlərdən biri də Təhsl Nazirliyinin "ümummilli lider Heydər Əliyevin anadan olmasının 85-ci ildönümü münasibətilə təhsil müəssisələrində keçiriləcək tədbirlər haqqında" 29 yanvar 2008-ci il tarixli 131 nömrəli əmri ilə təsdiq olunmuş kompleks fəaliyyət planına uyğun olaraq ölkənin ümumtəhsil məktəblərinin VII-XI sinif şagirdləri arasında dahi şəxsiyyətin həyat və fəaliyyətinə həsr olunan inşa yazı müsabiqəsinin keçirilməsidir. Nazir bununla bağlı mərasim iştirakçılarına ətraflı məlumat  verərək bildirdi ki, "Müstəqil Azərbaycan Heydər Əliyevin şah əsəridir" nominasiyası üzrə inşa yazı müsabiqəsi 3 mərhələdə keçirilib. Müsabiqənin məktəb, rayon (şəhər) mərhələsində 800 mindən artıq ümumtəhsil və texniki peşə məktəbinin VII-XI sinif şagirdləri iştirak ediblər.

Aprelin 10-da Heydər Əliyev adına liseydə "Müstəqil Azərbaycan Heydər Əliyevin şah əsəridir" nominasiyası üzrə keçirilən respublika mərhələsində isə 126 nəfər iştirak etmək hüququ qazanıb. Respublika mərhələsində iştirak edən həmin 126 şagirdin yazdıqları inşa yazı işləri nazirliyin xüsusi əmri ilə yaradılan ekspert komissiyası tərəfindən qiymətləndirilib. Respublikanın tanınmış mütəxəssislərindən ibarət ekspert komissiyası şagirdlərin ulu  öndərimizin çoxşaxəli fəaliyyətini əhatə etməyə çalışdıqları inşa yazılarını məzmun, orijinallıq, yaradıcılıq və digər normalar baxımından qiymətləndirərək, son nəticədə 32 nəfərin qalib  olduğunu müəyyənləşdirib. Həmin şagirdlərdən 5-i I yerə, 5-i II yerə, 10-u III yerə, 12 nəfəri IV yerə layiq görülüb.  İştirakçılardan 63 nəfərin yazı işləri də diqqətdən kənarda qalmayıb, onlara həvəsləndirici mükafatların verilməsi qərara alınıb.

Nazir Misir Mərdanov inşa yazılarında məktəblilərin ulu öndər Heydər Əliyevin hamıya örnək olan zəngin həyat yolunun, dövlətçilik fəaliyyətinin müxtəlif məqamlarına, tarixi mərhələlərinə dair fikir və düşüncələrini özlərinə xas olan səmimi hisslərlə, ülvi məhəbbət duyğuları ilə dolğun şəkildə ifadə etdiklərini söylədi. Məktəblilərin əbədiyaşar liderimiz Heydər Əliyevə olan sonsuz sevgisindən danışan nazir  onların yazdıqları inşalarda bunun geniş əksini tapdığını dedi. Dahi şəxsiyyətin ideyalarının hazırda onun layiqli davamçısı ,ölkə başçısı cənab İlham Əliyev tərəfindən uğurla həyata keçirildiyini qeyd etdi. Misir Mərdanov budəfəki müsabiqədə keçən illə müqayisədə daha çox məktəblinin iştirak etdiyini deyərək, bunu müsbət dəyərləndirdi.

Təhsil naziri bildirdi ki, müsabiqədə müvafiq yerlər tutanlarla yanaşı, fəxri fərman alan şagirdlərin, eyni zamanda Naxçıvan Muxtar Respublikasında da bu nominasiya üzrə keçirilən müsabiqənin 10 nəfər qalibinin inşa yazılarından ibarət "Heydər Əliyev məktəblilərin gözü ilə" kitabı nəşr olunub.

Misir Mərdanov müsabiqənin hər il keçirilməsinin artıq bir ənənəyə çevrildiyini deyərək, onun növbəti illərdə əhatə dairəsinin daha da genişlənəcəyinə ümidvar olduğunu bildirdi. Nazir şagirdlərin yüksək yaradıcılıq potensialının üzə çıxarılmasında mühüm rol oynayan yarışın belə mütəşəkkil şəkildə keçirildiyinə görə bütün təşkilatçılara-Yeni Azərbaycan Partiyasının rəhbərliyinə, Azərbaycan Həmkarlar İttifaqları Konfederasiyasının sədri, millət vəkili Səttar Mehbalıyevə təşəkkür etdi.

 Təhsil naziri  müsabiqənin keçirilməsində əməyi olanların zəhmətini yüksək dəyərləndirdi.  çıxışının sonunda müsabiqədə yer tutan qalibləri, onların valideynlərini və  təhsil aldıqları məktəblərin  kollektivlərini  təbrik edərək müvəffəqiyyətlər arzuladı.

Sonra mərasim iştirakçıları ulu öndər Heydər Əliyevin 85 illik yubileyinə həsr olunan filmə tamaşa etdilər.  Əbədiyaşar liderin təhsil sahəsində gördüyü işlərlə bağlı ayrı-ayrı məqamları əks etdirən görüntülər iştirakçılar tərəfindən böyük marağa səbəb oldu. Ulu öndərin müəllim əməyinə verdiyi yüksək qiymət və bununla bağlı söylədiyi dəyərli fikirlər alqışlarla qarşılandı.

Yeni Azərbaycan Partiyası sədrinin müavini, icra katibi Əli Əhmədov çıxış üçün söz alaraq belə bir müsabiqənin keçirilməsini Heydər Əliyevin zəngin irsinin öyrənilməsi və gənclərimiz arasında geniş təbliğ olunması baxımından xüsusi əhəmiyyət daşıdığını dedi.Natiq şagirdlərin əbədiyaşar liderə olan sonsuz sevgilərini öz inşa yazı işlərində bir daha nümayiş etdirdiklərini deyərək, onların yaradıcılıq imkanlarını, intellekt səviyyələrini müsbət qiymətləndirdi. YAP sədrinin müavini keçən il olduğu kimi, bu ildə I, II, III yeri tutmuş qaliblərin hər birinə gələcəkdə arzu etdikləri hansı ali məktəblərə qəbul olunmalarından asılı olmayaraq, Yeni Azərbaycan Partiyası tərəfindən hər ay təqaüdlərin verilməsinin nəzərdə tutulduğunu mərasim iştirakçılarının diqqətinə çatdırdı. Əli Əhmədov müsabiqənin qaliblərini təbrik edərək onlara xoş arzularını söylədi.

Nəhayət, gözlənilən an gəlib çatdı. Müşabiqənin həvəsləndirici mükafatlarına layiq görülən 63 nəfər səhnəyə dəvət olundu. Sonra isə I, II, III və IV  yerlərin qaliblərinin adları açıqlandı. Diplomlara layiq görülən I yerin sahiblərinə noutbuk, II yer tutanlara videokamera, III yerin qaliblərinə fotoaparatlar, IV yerə layiq görülənlərə isə həmin gündən xatirə olaraq xüsusi hədiyyələr təqdim olundu.

Mərasimi nazir Misir Mərdanov yekunlaşdıraraq müsabiqənin qaliblərini bir daha təbrik etdi, onlara yeni-yeni uğurlar arzuladı.

Samirə KƏRİMOVA

"Müstəqil Azərbaycan Heydər Əliyevin şah əsəridir" inşa yazı müsabiqəsinin qalibləri

I yer

1. Muxtarova Filyar Mahir qızı - Kəlbəcər rayon 88 nömrəli orta məktəbinin XI sinif şagirdi

2. Dadaşzadə Türkan Rafiq qızı - Ağcabədi şəhər 3 nömrəli orta məktəbinin X sinif şagirdi

3. Abdullayeva Nigar Əfras qızı  - Əli Bayramlı şəhər 2 nömrəli orta məktəbinin IX  sinif şagirdi

4. Əmrahlı İlahə Mürşüd qızı - Tərtər şəhər 1 nömrəli orta məktəbinin IX sinif şagirdi  

5. Seydəliyeva Aydan İlham qızı - Bakı şəhəri N.Nərimanov rayonu 200 nömrəli BMLK-nın məktəbinin IX sinif şagirdi

II yer

1. İslamova Badam Yaşar qızı - Bakı şəhəri Səbail rayonu 239 nömrəli orta məktəbinin X sinif şagirdi

2. Qasımova Fəridə Həsən qızı  - Abşeron rayonu Xırdalan şəhər 9 nömrəli orta məktəbinin XI sinif şagirdi

3. Feyzizadə Mənsur Namiq oğlu - Biləsuvar şəhər N.Nərimanov adına 6 nömrəli orta məktəbinin X sinif şagirdi

4. Səmədova Sanurə Sahib qızı - Tovuz rayon N.Tusi adına orta məktəbinin XI sinif şagirdi

5. Novruzlu Rüfanə Nizaməddin qızı  - Ağdaş rayon S.Vurğun adına 1 nömrəli orta məktəbinin IX sinif şagirdi

III yer

1. Qasımova ülkər Füzuli qızı - Bakı şəhər Yasamal rayonu 31 nömrəli  orta məktəbinin IX sinif şagirdi

2. Abdullayeva Talehə Taleh qızı  - Nəsimi rayonu 46 nömrəli məktəbin X sinif şagirdi.

3. Umudova Dilarə Məmməd qızı  - Bakı şəhər Binəqədi rayonu 83 nömrəli məktəb-liseyin IX sinif şagirdi

4. Muxtarova Günay İmanverdi qızı - Azərbaycan Dövlət Dəmiryolu Liseyinin XI sinif şagirdi

5. İlyasov Ayaz Adgözəl oğlu - Siyəzən şəhər Ş.İsmayılov adına 3 nömrəli orta məktəbinin X sinif şagirdi

6. Hacıbabazadə Nərmin Əhmədiyyə qızı - Oğuz rayon Xaçmaz kənd Z.Abışov adına əsas məktəbinin IX sinif şagirdi

7. Əmiraslanova Tahirə Hüseyn qızı  - Gəncə şəhəri 25 nömrəli orta məktəbinin IX sinif şagirdi

8. Nəsirova Təranə Şakir qızı - Füzuli rayonu M.Əsədov adına Əhmədbəyli kənd orta məktəbinin XI sinif şagirdi 

9.  Vəliyeva Tacmahal Qnyaz qızı  - Yevlax şəhər 4 nömrəli orta məktəbinin X sinif şagirdi.

10. Həsənova Şahnaz Vilayət qızı  - Şəmkir rayon Düyərli kənd 1 nömrəli orta məktəbinin VIII sinif şagirdi.

IV yer

1. Rəhimli Sevda Şahmurad qızı - Neftçala rayon Aşağı Surra kənd orta məktəbinin IX sinif şagirdi

2. Məmmədova Gülay Ağagül qızı - Ağsu şəhər 3 nömrəli orta məktəbinin XI sinif şagirdi

3. Xəlilzadə Arzu  Arif qızı - Qusar şəhər 1  nömrəli orta məktəbinin XI sinif şagirdi

4. Mehdiyeva Aygün Ərəstun qızı - Bakı şəhər "Zəngi" liseyinin X sinif şagirdi

5. Həsənova Pərvanə Saday qızı - Xızı rayon Rafiq İsmayılov adına orta məktəbinin  XI sinif şagirdi

6. Həsənzadə Nigar Ağa qızı - Qubadlı rayon B.Hüseynov adına Dəmirçilər kənd orta məktəbinin XI sinif şagirdi

7. Eyubova Səbinə Ərəstun qızı - Qazax rayon S.çobanov adına Ağköynək kənd orta məktəbinin XI sinif şagirdi

8. Cəfərova Nuranə Aqil qızı - Ağdam rayon 27 nömrəli orta məktəbinin X sinif şagirdi

9. İsmayılzadə Aygün Sədrəddin qızı - Lənkəran şəhər 7 nömrəli orta məktəbinin XI sinif şagirdi

10. Xanalıyeva Azadə Hüseyn qızı - Saatlı rayon S.Vurğun adına 1 nömrəli orta məktəbinin X sinif şagirdi

11. Salamova Gülgəz Natiq qızı - Şəki şəhər 10 nömrəli orta məktəbinin XI sinif şagirdi

12. İsgəndərli Rauf Eldar oğlu - Şuşa şəhər 19 nömrəli orta məktəbinin IX sinif şagirdi