|
|
· Ana səhifə· Rəsmi· Heydər Əliyev Fondu· Əmrlər, sərəncamlar· Təhsil Nazirliyində· Xəbərlər· Pedaqoji yazılar· Məktəblərimiz· Bizimlə əlaqə
|
Ulu öndərə həsr edilmiş şahmat turniri T.İsmayılov
adına Uşaq-Gənclər Yaradıcılıq Sarayının
"Uşaq dünyası" qalereyasında ümumtəhsil
məktəblərinin şagirdləri arasında ümummilli
lider Heydər Əliyevin anadan olmasının 85-ci ildönümünə
həsr edilmiş respublika şahmat turnirinin mükafatlandırma
mərasimi keçirilmişdir. 700-dən artıq
məktəblinin iştirak etdiyi turnir 4
mərhələdə təşkil olunmuşdu. Təhsil Nazirliyi və Yeni Azərbaycan
Partiyasının birgə təşkil etdikləri şahmat
yarışı 5 yaş qrupunu əhatə etmişdir. Mərasimdə təhsil nazirinin müavini
Elmar Qasımov, YAP-ın icraçı katibi, millət
vəkili Əli Əhmədov, gənclər və idman
nazirinin müavini İsmayıl İsmayılov və
digər şəxslər iştirak edirdi. Tədbiri açıq elan edən nazir müavini
Elmar Qasımov ümummilli lider Heydər Əliyevin 85
illiyinə həsr edilmiş şahmat turnirinin
əhəmiyyətindən danışdı. Ulu öndərin
bütün sahələrə, o cümlədən təhsilə,
idmana göstərdiyi qayğını önə çəkən
nazir müavini qeyd etdi ki, gələcəkdə bu şahmatçıların
arasından da Teymur Rəcəbov və Şəhriyar
Məmmədyarov kimi dünya miqyaslı idmançılar yetişəcək
və ölkənin adını yüksəklərə qaldıracaqlar.
Gənclərin intellekt səviyyəsinin artırılması
üçün dövlət səviyyəsində tədbirlər
həyata keçirildiyini bildirən Elmar müəllim ulu öndərin
yubileyinə həsr edilmiş həmin turnirin də
məktəblilərin yaddaşında qalacağını
vurğuladı, şagirdlərin Azərbaycanın layiqli
vətəndaşları kimi yetişəcəklərinə
əminliyini bildirdi. Sonra YAP-ın icraçı katibi Əli
Əhmədov və digər qonaqlar çıxış
edərək ölkəmizdə şahmatın inkişafına
dövlət səviyyəsində göstərilən qayğıdan
danışdılar. Sonda oğlanlar və qızlar arasında
keçirilən respublika şahmat turnirinin 30 qalibinə diplom,
kubok və qiymətli hədiyyələr təqdim edildi. Fazil İDRİSOĞLU, foto müəllifindir
|