|
|
· Ana səhifə· Rəsmi· Heydər Əliyev Fondu· Əmrlər, sərəncamlar· Təhsil Nazirliyində· Xəbərlər· Pedaqoji yazılar· Məktəblərimiz· Bizimlə əlaqə
|
Yaponiya səfirliyində imzalanma mərasimi İyunun 27-də Yaponiyanın
Azərbaycandakı səfirliyində Yaponiya
hökumətinin "Ot kökləri və insan təhlükəsizliyi
qrant yardımı Proqramı" çərçivəsində
həyata keçiriləcək 4 layihə üzrə müqavilələrin
imzalanma mərasimi keçirildi. Mərasimdə Azərbaycan Respublikasının
təhsil naziri Misir Mərdanov, səhiyyə nazirinin müavini
Elsevər Ağayev, müqavilələri imzalayacaq qeyri-hökumət
təşkilatlarının və kütləvi informasiya
vasitələrinin nümayəndələri iştirak
edirdilər. Qonaqları salamlayan Yaponiyanın
Azərbaycandakı fövqəladə və
səlahiyyətli səfiri cənab Masamitsu Oki onları
burada görməsindən məmnunluğunu ifadə etdi
və imzalanacaq layihələrin hazırlanmasında
əməyi olanlara təşəkkürünü bildirdi. Azərbaycan Respublikası müstəqillik
qazandıqdan sonra Yaponiya hökumətinin öz yardımını
bu ölkədən heç zaman əsirgəmədiyini
diqqətə çatdıran səfir həyata keçirilən
layihələrin Cənubi Qafqazda sabitliyin saxlanılmasına
öz töhfəsini verəcəyinə
əmin olduğunu söylədi. İndiyədək bu proqram çərçivəsində
Azərbaycan Respublikasında ayrı-ayrı sahələr
üzrə ümumi məbləği 7.327.691 ABŞ dolları
olan 106 layihənin həyata keçirildiyini deyən səfir
daha sonra jurnalistlərə bu gün imzalanacaq qrant müqavilələri
haqqında məlumat verdi. Sonra çıxış üçün söz
Azərbaycan Respublikasının təhsil naziri Misir
Mərdanova verildi. Yaponiya hökumətinin Azərbaycanda xüsusilə
təhsil sahəsinə böyük maddi dəstək göstərdiyini
deyən nazir "Ot kökləri və insan təhlükəsizliyi
qrant yardımı Proqramı" çərçivəsində
əhəmiyyətli tədbirlərin həyata keçirildiyini
qeyd etdi. O, yardımların bununla bitmədiyini, adıçəkilən
Proqramdan kənarda bir çox mühüm işlərin görüldüyünü
vurğuladı. Yaponiyanın maliyyə vəsaiti hesabına
ən çox ehtiyac duyulan ucqar kəndlərdə
məktəblərin tikilməsini təqdirəlayiq hal
kimi dəyərləndirən Misir Mərdanov bütün bunlara
görə ölkənin təhsil işçiləri adından
cənab səfirə təşəkkür etdi. Səhiyyə nazirinin müavini Elsevər Ağayev
bu proqram çərçivəsində həyata keçirilən
tədbirlərin Azərbaycanda ilkin tibbi yardımın
səviyyəsinin yüksəlməsində böyük
əhəmiyyətindən danışdı və görülən
işlərə görə cənab səfirə
minnətdarlığını bildirdi. Sonra ümumi dəyəri 351289 ABŞ dolları
olan Ağcabədinin Taxtakörpü kəndində məcbüri köçkün
məktəbi və Şəkinin Dərəcənnət
kəndində məktəb tikintisi, Zaqatalanın Faldarlı
və İmişlinin Xələfli kəndlərində
ilkin təcili tibbi yardım məntəqələrinin
tikintisi layihələri üzrə qrant müqavilələri
imzalandı. Sənədləri Yaponiyanın
Azərbaycandakı fövqəladə və
səlahiyyətli səfiri cənab Masamitsu Oki və icraçı
qeyri-hökumət təşkilatlarının nümayəndələri
imzaladılar.
Hicran ƏKBƏROVA
|