|
|
· Ana səhifə· Rəsmi· Heydər Əliyev Fondu· Əmrlər, sərəncamlar· Təhsil Nazirliyində· Xəbərlər· Pedaqoji yazılar· Məktəblərimiz· Bizimlə əlaqə
|
Şirin xatirəyə çevrilən buraxılış gecəsi İyunun
25-də Azərbaycan
Memarlıq və İnşaat Universitetində 2007-2008-ci
tədris ili məzunlarının təntənəli buraxılış
gecəsi keçirildi. Mərasim başlamazdan əvvəl
tədbir iştirakçıları ulu öndər Heydər
Əliyevin universitetin həyətində ucaldılmış
abidəsi önünə gələrək, onun xatirəsini
ehtiramla yad edib, əklil və tər qərənfillər
qoydular. Tədbiri açıq elan edən universitetin
rektoru Gülçöhrə Məmmədova qeyd etdi ki, hər il
təlim-tərbiyə ocağında məzunlarla bağlı
görüşlər keçirilir və bugünkü mərasim də
həmin tədbirlərin davamıdır. ölkə başçısı cənab İlham
Əliyevin respublikamızda elm və təhsilin inkişafına
göstərdiyi qayğısından, dünya təhsil
sisteminə inteqrasiya olunmasındakı
xidmətlərindən danışan rektor vurğuladı
ki, universitetin professor-müəllim heyəti qarşısında
duran əsas vəzifə tələbələrə
dərin bilik vermək, onları dövlətçiliyimizə
sədaqət ruhunda tərbiyə etməkdirsə,
tələbələrin də başlıca
vəzifəsi elmin sirlərinə dərindən
yiyələnməkdir. Bu tədris ilində universitetin bakalavr
və magistr pillələrini 1002 tələbə bitirir.
Onlardan 54 nəfəri xarici ölkə vətəndaşıdır.
Təhsilin bakalavr pilləsindən 30, magistrlərdən
isə 27 nəfər fərqlənmə diplomuna layiq görülmüşdür.
Tədbirdə çıxış edən
təhsil naziri Misir Mərdanov bildirdi ki, ümummilli lider
Heydər Əliyevin siyasi kursu cənab Prezident İlham
Əliyev tərəfindən uğurla davam etdirilir.
Təhsil sahəsində aparılan uğurlu islahatlar
məhz ölkə başçısının adı ilə bağlıdır.
Sizin universitetinizin də həyatında müvəffəqiyyətli
addımlar atılır və inanıram ki, bu işlər
davam etdiriləcəkdir. Təhsilin keyfiyyəti artır,
xarici ölkələrin ali məktəbləri ilə
əlaqələr inkişaf edir. Son 10 il ərzində
Azərbaycan gənclərinin xaricdə təhsili ilə
bağlı dünyanın 2 böyük ölkəsi ilə hökumətlərarası
saziş imzalanmışdır. Biliyi olan hər bir
gənc dövlətin vəsaiti hesabına xaricdə
təhsil alıb ölkəmizin ayrı-ayrı
sahələrində öz fəaliyyətlərini davam
etdirə bilər. Bu gün Azərbaycandan kənarda
3000-dən çox gənc təhsil alır. Eyni zamanda ölkəmizdə
təhsil alan əcnəbi tələbələrin də
sayı durmadan artır. Digər vacib məqamlara da toxunan
nazir tələbələri təbrik edərək onlara tövsiyələrini
verdi. Məzunların buraxılış
gecəsində çıxış edən qonaqlardan idman
və gənclər naziri Azad Rəhimov, Bakı
metropoliteninin rəisi Tağı Əhmədov ölkə
iqtisadiyyatının inkişafından, tikinti və
quruculuq işlərinin geniş vüsət almasından söhbət
açdılar və bu işlərin görülməsində
Azərbaycan Memarlıq və İnşaat Universitetinin
kadrlarına həmişə böyük ehtiyac olduğunu vurğuladılar.
Sonra məzunlardan Sevil Məmmədova və Aidə
Sədəfzadə çıxış edərək öz xoş
arzularını bildirdilər. Mərasimin rəsmi
hissəsinin sonunda təhsil naziri Misir Mərdanov, idman
və gənclər naziri Azad Rəhimov, Bakı
metropoliteninin rəisi Tağı Əhmədov və
təhsil nazirinin müavini Elmar Qasımov məzunlara
Fəxri fərman və diplomlar təqdim etdilər. Məzunların buraxılış
gecəsi incəsənət ustalarının maraqlı
konsert proqramı ilə davam etdi. Fazil İDRİSOĞLU, foto müəllifindir |