|
|
· Ana səhifə· Rəsmi· Heydər Əliyev Fondu· Əmrlər, sərəncamlar· Təhsil Nazirliyində· Xəbərlər· Pedaqoji yazılar· Məktəblərimiz· Bizimlə əlaqə
|
Tələbələr imtahanların şəffaf keçməsindən razıdırlar Qış
imtahan sessiyasının gedişini müşahidə
etmək məqsədilə yanvarın 12-də Bakı Dövlət
Universitetinə yollandıq. öncə zala toplaşan fakültələrin
nümayəndələri - koordinatorlar, müəllimlər,
nəzarətçilər və müşahidəçilər qarşısında
keçirilən imtahanların nəticələri
barədə məlumat verən BDU-nun rektoru, akademik Abel
Məhərrəmov qeyd etdi ki, semestr ərzində çoxlu
sayda tələbələr imtahan verib, təbii ki,
qeyri-kafi qiymət alanlar da olub. Yoxlamalar və təhlillər aparıldıqda
məlum olub ki, 1-ci və 2-ci yoxlama arasında bəzi fakültələrdə
müəyyən fərqlər yaranıb. Auditoriyalarda
məsuliyyətin tam olaraq koordinator və bu işə
təhkim olunmuş digər nəzarətçilərin çiyninə
düşdüyünü bildirən Abel Məhərrəmov
təsdiq olunmuş neqativ faktların
əksəriyyətinin yerində həll olunduğunu vurğuladı.
BDU-nun 1-ci kurs tələbələri Boloniya prosesinin
tələblərinə uyğun olaraq imtahan verirlər.
Lazımi tövsiyələrini verən rektor imtahan keçirilən
otaqların bölgüsünü və koordinatorları elan etdi.
Onlara təlimati sənədlər təqdim olundu. Sonra
imtahanların təşkili və gedişi prosesini
yerində görmək üçün, ilk olaraq, tarix fakültəsində
olduq. Fakültənin dekanı, tarix elmləri doktoru Sani Hacıyev
bildirdi ki, imtahan sessiyasına hazırlıq işləri
rektorun əmrinə əsasən təşkil edilib. Xüsusi lövhələrdə dərs ilinin
əvvəlində bütün qrupların
tələbələrinə imtahan keçiriləcək
fənlərin siyahısı göstərilir, onlara suallar
təqdim olunur, imtahanların şəffaf və obyektiv keçirilməsi
üçün BDU-nun nüfuzlu əməkdaşlarından ibarət
nəzarətçilər və Tələbə Həmkarlar
İttifaqı Komitəsinin nümayəndələri
tərəfindən müşahidəçi qrupları təşkil
edilib. "Qaynar xətt" fəaliyyətdədir.
Təklif və iradlar qutusundakı müraciətlərə
dərhal reaksiya verilir. S.Hacıyev bildirdi ki, tarix fakültəsində
imtahanlar yanvarın 7-də başlanıb. Yanvarın
12-də 1-ci və 3-cü kurslarda 18 qrupda imtahanlar gedib. II,
III, IV kurslarda imtahanlar 100 ballıq sistemlə keçirilir.
Hər semestrin ən azı iki imtahanı monitorinq üsulu
ilə aparılır. 1-ci kurs
tələbələrinə isə Boloniya prosesinin kredit
sistemi tətbiq olunub. Daxil olduğumuz 1-ci otaqda tarix fakültəsinin
I kurs 1032-ci qrupun tələbələri əyləşmişdilər.
Mənbəşünaslıq fənnindən monitorinq üsulu
ilə imtahan verirdilər. İmtahanda koordinatorlar
Məlahət Nuriyeva və Əziz Məmmədov idi. 31
tələbənin hamısı iştirak edirdi.
Tələbə Gülyanaq İmamverdiyevanın imtahan
vərəqəsinə baxdıqda məlum oldu ki, 5 sualın
artıq 4-nə cavab yazıb. Bildirdi ki, suallar tam normaldır.
Dekan əlavə etdi ki, Gülyanaq qəbul imtahanlarında
604 bal toplayıb. Ən yaxşı
tələbələrdən biridir. I kurs 026-cı qrupda isə Azərbaycan
tarixi fənnindən monitorinq üsulu ilə imtahan keçirilirdi.
25 tələbənin hamısı iştirak edirdi. Burada
koordinatorlar Aşur Əliyev və Sevinc İbrahimova idi.
Tələbələr fəallıq göstərirdi. 3-ü artıq
auditoriyanı tərk etmişdi. ülkər Sultanova, Ceyran
Nəzərəliyeva, Aysel Şirinli, Cavid Abbasov,
Səbihə Nəbiyeva və Ləman Mütəllimovanın
imtahan vərəqələrinə yazdığı
cavablar xoş təsir bağışlayırdı. Tələbələr imtahanların
obyektiv keçirilməsindən razı idilər. BDU-nun
prorektoru Məcnun Babayev və dekan Sani Hacıyevin
imtahanların gedişinə ciddi nəzarət etməsi
və bizim müşahidələrimiz əsas verir ki, proses
normal başa çatacaqdır. Neqativ hallara rast
gəlmədik. Cavablar isə kodlaşdırılaraq bir
neçə saat ərzində fənn müəllimləri
tərəfindən cavablandırılacaq. Həmin gün hüquq fakültəsində 11
imtahan - 5-i monitorinq, 6-sı isə adi qaydada keçirilirdi. Fakültə
dekanının 1-ci müavini Məhəmməd İmanlı
bildirdi ki, imtahanların gedişi öz qaydasındadır.
Boloniya prosesinə qoşulan 1-ci kurs
tələbələri daha fəaldır. Onların 9-u
Prezident təqaüdünə layiq görülmüşdür. Yüksək
nəticələr gözləyirik. İnanırıq ki,
builki uğurlarımız keçən ilə nisbətən
daha çox olacaqdır. Fazil İDRİSOĞLU, foto müəllifindir
|