2009-2010–cu illərdə anadan olan uşaqlar arasında badminton üzrə keçirilən ölkə birinciliyi başa çatıb. Bakı ilə yanaşı, Gəncə, Lənkəran, Siyəzən və Qusardan 46 oğlan və 35 qız iştirakçı arasından 5 kateqoriya üzrə qaliblər müəyyənləşdirilib.
Şəxsi yarışmada oğlanlardan Əli Gözəlov, qızlardan Leyla Camalzadə, qoşa qarşılaşmada oğlanlardan Əli Gözəlov - Fazil Quliyev, qızlardan Leyla Camalzadə - Aysu Kərimzadə, qarışıq qoşa qarşılaşmada Əli Gözəlov - Leyla Camalzadə birinci yeri qazanıblar.
Gənclər və İdman Nazirliyi ilə Azərbaycan Badminton Federasiyasının birgə təşkilatçılığı ilə baş tutan ölkə birinciliyində qaliblər diplom və medallara layiq görülüblər.
Sifai SƏFƏROVA