Müasir dövrdə təhsilverənlər bilik və bacarıqlarını həm də yeni yanaşmalar, müasir texnoloji alətlərdən istifadə etməklə göstərə bilməlidir.
Təhsilverən dərs prosesində nə qədər İKT bacarıqlarını tətbiq edə bilirsə, bir o qədər də şagirdin, tələbənin marağını çəkir, onlara da bu bilikləri aşılamağı bacarır.
Müasir öyrənən daha çox oyun tipli, əyləncəli dərs prosesinə maraqlıdır. Ona görə də indi dəsrdə, əsasən veb 2.0 alətləri müəllimin köməkçisi hesab olunur.
Müəllimlər bu alətlərlə testlər, tapşırıqlar hazırlayır, dərs zamanı müzakirə mühiti yaradır, tələbələrin tapşırıqlara cavablarını rahatlıqla izləyə və qiymətləndirə bilirlər.
Bir sözlə, bu alətlərlə dostluq etmək, həm müəllimlərə, həm də tələbələrə rahatlıq gətirir.
Üstəlik, yeni müəllim modeli yeni düşüncəli tələbə modelinin yaranmasına səbəb olur.
Müəllim-tələbə münasibətləri rəqəmsal müstəvidə daha maraqlı və dinamik formaya keçir.
Müəllimlər və tələbələr üçün effektiv olan bir neçə alətin hansı işə yaradığına nəzər salaq.
Bu alətləri istifadə etmək üçün sinifdə ağıllı lövhə və ya proyektor, internet olmalıdır.
Tələbələrə lazım olan isə, planşet, smartfon və ya kompüterdir.
Foto, Bakı Slavyan Universiteti, Jurnalistika ixtisası tələbələri, AJ-401 qrup. Bakı, 2023-cü il.
Məsələn, https://padlet.com/
Bunu ekranınızda boş bir səhifə kimi düşünə bilərsiniz.
Video yükləmək, müsahibə yazmaq, selfi çəkmək, öz yazılarınızı yazmaq, sual verib tələbələrin cavabını almaq və digər funksiyaları mövcuddur.
Dünyanın hər yerində müəllimlər, tələbələr, işçilər və hər yaşda olan şəxslər tərəfindən istifadə edilən Padlet harada olursunuzsa- olun, sizə rahat əməkdaşlıq imkanı yaradır.
Padlet “Spotify Playlists”dən “Excel Spreadsheets”ə qədər təsəvvür edə biləcəyiniz hər bir fayl növünü dəstəkləyir.
Mentimeter sürətli və əyləncəli qiymətləndirmə fəaliyyətləri hazırlamağa imkan verən platfotmadır.
Bu, tələbələrə beyin fırtınası etməyə imkanı verir, açıq suallarla şərhlərə açıqdır, tez seçim etmək imkanı yaradır, tələbələri bu seçimlərə daxil edir və bu seçimləri etmək üçün tələbələrin adlarını tələb etmir.
Ölçmə və qiymətləndirmə bölməsində şagirdlərin fikirlərini sərbəst ifadə etmək imkanı var.
“Wordwall” veb 2.0 aləti müəllimlərin tələbələri üçün interaktiv fəaliyyətlər yarada biləcəyi veb əsaslı bir vasitədir. Müəllimlər müxtəlif interaktiv oyunlar, viktorinalar, anaqramlar və kart uyğunlaşdırma oyunları yarada bilərlər. Bundan əlavə, Wordwall müəllimlərin tələbələri ilə əməkdaşlıq edə və rəy ala biləcəyi sosial paylaşım funksiyası təklif edir.
Onlayn dərslərdə hazırlıq və ya qiymətləndirmə fəaliyyəti kimi istifadə edilə bilən əyləncəli test vasitəsidir. Onlayn testlər hazırlamaq üçün çox faydalıdır.
Riyaziyyat, fizika, kimya və coğrafiya kimi dərslərdə simulyasiyalarla onlayn təcrübələr etməyə imkan verən veb 2.0 alətidir. Phet ilə tələbələr öyrəndiklərini praktikada tətbiq edə bilərlər.
Bu alətlərin hər birinin istifadəsi haqda “YouTube”da axtarış verməklə, ətraflı məlumat əldə etmək mümkündür.
Əsas odur, həm öyrədən, həm öyrənən dərsi həvəslə, maraqla və yorulmadan öyrənə bilsin.
Müəllimlər bu alətlərdən istifadə etsələr, şagirdlərinin, tələbələrinin dərsi böyük zövqlə mənimsəmələrinə şərait yaratmış olacaqlar.
Gülnarə İLHAM