Elm və Təhsil Nazirliyinin Gəncə şəhərindəki dövlət məktəbəqədər təhsil müəssisələrində uşaqların qidalanması ilə bağlı həyata keçirdiyi pilot layihə uğurla icra olunur.
“Azərbaycan müəllimi” xəbər verir ki, bunu Gəncə-Daşkəsən Regional Təhsil İdarəsinin müdiri Elçin Kərimov media nümayəndələri ilə görüşündə deyib.
Onun sözlərinə görə, ketrinq şirkətləri ilə əməkdaşlıq çərçivəsində Gəncədə 14 körpələr evi-uşaq bağçası və 1 uşaq bağçası isti yeməklərlə təmin edilir. Yeməklər qəbul edilən vahid standartlara uyğun, əvvəlcədən razılaşdırılmış menyu və çəki ilə hazırlanaraq bağçalara təqdim olunur.
Layihənin əsas məqsədi məktəbəqədər təhsil müəssislərində qidalanma üzrə standartların tətbiqi, uşaqları daha kalorili yeməklərlə təmin etməkdir. Qidalanma azyaşlıların inkişafında mühüm rol oynadığından yeməklərin çoxçeşidli olmasına, onların uşaqların qida maddələrinə və enerjiyə tələbatının ödəyə bilməsinə diqqət yetirilir. Layihənin gələcəkdə digər bağçalarda da tətbiqi nəzərdə tutulur.
Qeyd edək ki, Gəncə şəhərində ümumilikdə 42 məktəbəqədər təhsil müəssisəsi fəaliyyət göstərir.
1 /5
.jpeg)
.jpeg)
.jpeg)
.jpeg)
Digər xəbərlər
Digər xəbərlər tapılmadı
Qəzetimizə abunəlik
"Azərbaycan müəllimi" qəzetindən ən son xəbərləri və xüsusi təklifləri əldə etmək üçün abunə olun
Bölmələrimiz
2025 © "Azərbaycan müəllimi" qəzeti. Bütün müəllif hüquqları qorunur. Məlumatdan istifadə zamanı istinad mütləqdir. Məlumat internet səhifələrində istifadə edildikdə hiperlink qoyulmalıdır.
Şərhlər