2024-2025-ci tədris ili üzrə planlaşdırılmış fəaliyyətlər əsasında ümumi təhsil müəssisələrinin metodist və müəllimlərinin əməkdaşlığı ilə dərs dinləmələr təşkil edilib.. 

Təhsil İnstitutundan “Azərbaycan müəllimi”nə verilən məlumata görə, dərs dinləmələrin məqsədi metodik görüşlərdə, təlimlərdə öyrədilən proseslərin tətbiqinin dəyərləndirilməsi və qarşıya çıxan problemlərin müəyyənləşdirilməsidir. Dinləmələr zamanı müəllimlərin təlim məqsədlərinə nail olmaq istiqamətində metodiki bacarıqları dəyərləndirilib. Dərslərin müşahidəsi dərs dinləmənin qeydiyyat vərəqində qeyd olunmuş meyarlar əsasında aparılır. Müşahidə olunan dərslərdən sonra tədrisin effektivliyini artırmaq üçün müəllimlərin hər birinə konstruktiv fərdi rəylər verilib. Bu proses müəllimlərə öz fəaliyyətlərini effektiv refleksiya etməyə və problemləri özlərinin araşdırmalarına istiqamət verir. Fərdi rəyin verillməsi həmçinin metodist və müəllimlər arasında effektiv ünsiyyətin və əməkdaşlığın inkişafına da təkan verən prosesdir.

Dərs dinləmə prosesindən sonra planlaşdırılan proses metodik görüşlərin təşkil edilməsi olur. Bu zaman müəllimlər araşdırdıqları, öyrəndikləri yeni məlumatları metodik görüşlər zamanı paylaşır və tətbiq etmək yollarını müzakirə edirlər.

Qeyd edək ki, “Müasir metodist” layihəsinin məqsədi şagird nailiyyətinin yüksəldilməsi istiqamətində müəllimlərin metodiki bacarıqlarının inkişaf etdirilməsi və bu istiqamətdə onların peşəkar inkişafının təmin edilməsidir.