“İki ildir ki, bağça müdiri vəzifəsində işləmək arzusunda olan şəxslər üçün imtahan təşkil edilir. Artıq 100-ə yaxın təyinatımız olub və növbəti imtahanın keçirilməsi ərəfəsindəyik”.
“Azərbaycan müəllimi” xəbər verir ki, bu fikirləri Məktəbəqədər və Ümumi Təhsil üzrə Dövlət Agentliyinin direktoru Eşqi Bağırov Gənc tərbiyəçi-müəllimlər üçün təhsil forumunda deyib.
Onun sözlərinə görə, əsas vəzifələrindən biri təhsilverənlərin peşəkar inkişafı ilə bağlıdır: “Əvvəlki illərdə qanunvericiliyin tələblərinə riayət olunmamış, ixtisas tələblərinə riayət olunmadan, müxtəlif ixtisaslı şəxslər bu sektorda işə qəbul olunub. Bunu yolverilməz hesab edirik. Əminliklə deyə bilərəm: 2 ilə yaxındır ki, bizim işə qəbul etdiyimiz 700-dən çox tərbiyəçi zəruri təhsil səviyyəsinə yiyələnib. Eyni zamanda qiymətləndirmə mərhələlərindən keçmiş şəxslər işə qəbul edilib”.
Digər xəbərlər
Digər xəbərlər tapılmadı
Qəzetimizə abunəlik
"Azərbaycan müəllimi" qəzetindən ən son xəbərləri və xüsusi təklifləri əldə etmək üçün abunə olun
Bölmələrimiz
2025 © "Azərbaycan müəllimi" qəzeti. Bütün müəllif hüquqları qorunur. Məlumatdan istifadə zamanı istinad mütləqdir. Məlumat internet səhifələrində istifadə edildikdə hiperlink qoyulmalıdır.
Şərhlər