“Azərbaycan Respublikası Hökuməti ilə Türkiyə Respublikası Hökuməti arasında peşə təhsili sahəsində əməkdaşlığa dair Protokol” çərçivəsində 09 fevral - 01 mart 2025-ci il tarixlərində 6 peşə təhsili müəssisəsinin 9 mühəndis-pedaqoji heyəti üçün Türkiyə Respublikasının Ankara, İstanbul şəhərlərində yerləşən müxtəlif təhsil müəssisələrində təlim proqramı təşkil edilib.
“Azərbaycan müəllimi” xəbər verir ki, təlimlərin təşkilində əsas məqsəd mühəndis-pedaqoji heyətin ixtisas biliklərinin təkmilləşdirilməsi ilə yanaşı, müasir tədris yanaşmaları ilə bağlı Türkiyə təcrübəsinin öyrənilməsidir. Azərbaycanın Türkiyə Respublikasında yerləşən səfirliyinin dəstəyi ilə həyata keçirilən təlimlər kənd təsərrüfatı, turizm, sənaye, tikinti, moda-dizayn və digər ixtisas sahələrini əhatə edir.
Təlim iştirakçıları qardaş ölkədə peşə təhsil müəssisələrində tədris prosesində aktiv iştirak etməklə yanaşı, sektor üzrə qabaqcıl müəssisə və təşkilatlara təşkil edilən səfərlərdə müasir texnologiyalar ilə də tanış olurlar.
Təlimlərdən sonra iştirakçılar tərəfindən qazanılmış təcrübənin bölüşülməsi üçün Azərbaycanda silsilə görüş və seminarların təşkili nəzərdə tutulur.
1 /6
Digər xəbərlər
Digər xəbərlər tapılmadı
Qəzetimizə abunəlik
"Azərbaycan müəllimi" qəzetindən ən son xəbərləri və xüsusi təklifləri əldə etmək üçün abunə olun
Bölmələrimiz
2025 © "Azərbaycan müəllimi" qəzeti. Bütün müəllif hüquqları qorunur. Məlumatdan istifadə zamanı istinad mütləqdir. Məlumat internet səhifələrində istifadə edildikdə hiperlink qoyulmalıdır.
Şərhlər