|
|
· Ana səhifə· Rəsmi· Heydər Əliyev Fondu· Əmrlər, sərəncamlar· Təhsil Nazirliyində· Xəbərlər· Pedaqoji yazılar· Məktəblərimiz· Bizimlə əlaqə
|
İKT üzrə daha bir treninq keçirildi İnformasiya-kommunikasiya texnologiyalarının
təhsil sahəsində tətbiqi ilə bağlı
Proqramda əsas istiqamətlərdən biri də müəllimlərin
bu işə hazırlanmasıdır. Bu isə
treninqlər vasitəsilə həyata keçirilir. Belə tədbirlərdən biri də
fevralın 12-də Bakı Kompüter Kollecində oldu.
Həmin gün burada "İntel" korporasiyasının
ölkəmizdə həyata keçirilən
"Gələcəyin təlimi" layihəsi çərçivəsində
birgünlük treninq təşkil edilmişdi. Bu sahədə yüksək
hazırlığa malik məşqçi-müəllimlərin iştirak
etdiyi məşğələni "İntel" şirkətinin
Moskvadan gəlmiş təmsilçiləri - MDB ölkələrində
həyata keçirilən proqramların direktoru Vera Baklaşova,
Rusiya və Qazaxıstanda reallaşdırılan proqramların
direktoru Yaroslav Bıkovski aparırdılar. Bakı Kompüter Kollecinin direktoru, "İntel"in
Azərbaycandakı eksperti İradə Səfərovanın
verdiyi məlumata görə, bu şirkətlə sıx
əməkdaşlıq əlaqələri 2006-cı
ildə Təhsil Nazirliyi ilə təhsil sahəsində
rabitə və informasiya texnologiyalarından
istifadəyə dair qarşılıqlı anlaşma
və niyyətlər barədə memorandum imzalandıqdan
sonra yaranıb. Azərbaycanda korporasiyanın mövcud 7
proqramından yalnız "Gələcəyin
təlimi" layihəsinin həyata keçirilməsi
məqsədəuyğun sayılıb. Artıq bu proqram
çərçivəsində məşqçi-müəllimlərin
hazırlanması istiqamətində müəyyən işlər
görülüb, Bakı və Sumqayıt şəhərləri
üzrə 1000-ə yaxın fənn müəllimi təlim
kurslarından keçib, məktəblərin kompüterləşməsi
işində mühüm addımlar atılıb, şirkətin
xətti ilə azərbaycanlı mütəxəssislərin
xarici ölkələrə səfərləri təşkil
olunub. Şirkətin maliyyə dəstəyi ilə
"Gələcəyin təlimi" adlı tədris
vəsaiti və elektron proqram materialları Azərbaycan
dilinə tərcümə edilib və müəllimlərin
informasiya texnologiyalarının tədris prosesində
tətbiqi ilə bağlı ixtisasartırmasında
bunlardan geniş istifadə olunur. Bakı Kompüter Kollecində keçirilən
treninq "Gələcəyin təlimi" layihəsinin
yeni mərhələsi olan şəbəkə
daxilində əməkdaşlıq mövzusuna həsr olunmuşdu.
Bu, kompüter şəbəkəsi vasitələrinin köməyi
ilə insanların bir-biri ilə əlaqə saxlaması
və birgə fəaliyyət göstərməsidir. Məşğələdə
iştirak edən 20 təcrübəli məşqçi- müəllim
həmin məqsədlə istifadə olunan VikiViki
("tez-tez" deməkdir) texnologiyası ilə tanış
edildi. Treninq iştirakçılarına texnologiyanın
əsasları haqqında ətraflı məlumat verildi,
buna aid materiallar əyani nümayiş etdirildi və metodik
vəsaitlər paylandı. Məşqçi-müəllimlər
yeni öyrədilən texnologiya əsasında tapşırıqları
yerinə yetirdilər. Sonda rusiyalı mütəxəssislər
verilən suallara aydınlıq gətirdilər. Treninqdə iştirak edən məşqçi-müəllimlər
- Bakıdakı 7 nömrəli
məktəbin müəllimi Gülnarə Səlimova, 282 nömrəli
məktəbin müəllimi Aygün Əzizova və Sumqayıt
Şəhər Təhsil Şöbəsinin metodisti Bəyaz
Novruzova bizimlə söhbətlərində bu sahədəki
biliklərini artırmaq üçün treninqlərin mühüm
əhəmiyyət kəsb etdiyini, məşğələdə
aldıqları informasiyadan razı qaldıqlarını,
öyrəndiklərini tezliklə öz
fəaliyyətlərində tətbiq
edəcəklərini qeyd etdilər və təlim kursunun
keçirilməsinə yaradılan şəraitə görə
kollecin rəhbərliyinə təşəkkürlərini
bildirdilər. Hicran ƏKBƏROVA
|