|
|
· Ana səhifə· Rəsmi· Heydər Əliyev Fondu· Əmrlər, sərəncamlar· Təhsil Nazirliyində· Xəbərlər· Pedaqoji yazılar· Məktəblərimiz· Bizimlə əlaqə
|
Adambaşına
maliyyələşmə təhsilimizə nə
verəcək?
Azərbaycan təhsili daim inkişaf
edir, yeniləşir, dünya təhsil sahəsində olan
yeniliklər, qabaqcıl təcrübə öyrənilir.
Belə təcrübələrdən biri də adambaşına
maliyyələşdirmədir. Respublikamızda üç pilot
rayonu kimi seçilmiş Əli Bayramlı, Ucar və İsmayıllıda
olan ümumtəhsil məktəblərində, habelə Bakı
şəhərindəki ümumtəhsil
məktəbləri, peşə liseyi, peşə
məktəbi və orta ixtisas məktəblərində
adambaşına maliyyələşdirmə eksperiment kimi
qoyulub. Cari ildə isə bir çox təhsil müəssisəsi
bu maliyyələşmə formasından istifadəyə
keçib. ümumiyyətlə, adambaşına
maliyyələşdirmə nə deməkdir? özünü
maliyyələşdirmək məktəbə nə
verəcək? Bu
suallara aydınlıq gətirmək üçün
Təhsil Nazirliyi Plan-maliyyə sektorunun müdiri Şahrza
Əliyevlə görüşdük. O dedi: -
Təhsil sektorunda islahatlar aparılanadək ümumtəhsil
məktəblərinin büdcəsi məktəbin özü
tərəfindən deyil, rayon, şəhər təhsil
şöbələri tərəfindən tutulurdu və
idarə olunurdu. Təhsil sektorunun inkişafı
layihəsi həyata keçirildikdən sonra
məktəblərin öz büdcələrini tərtib və
idarə etmək məqsədilə Maliyyə Nazirliyi
ilə razılaşdırılmaqla, respublikamızın
üç pilot rayonu kimi seçilmiş Əli Bayramlı şəhərinin
14, Ucar rayonunun 20, İsmayıllı rayonunun 25 ümumtəhsil
məktəbinə maliyyə müstəqilliyi verilmişdir.
Bu ondan ibarətdir ki, həmin məktəblərin müvafiq
ərazi xəzinədarlıq orqanlarında xəzinə
hesabı açılmış və onlar üçün ayrıca
təsdiq olunmuş xərclər smetasına əsasən
öz büdcələrini müstəqil idarə edirlər.
Həmin razılaşmaya əsasən Əli Bayramlı
şəhəri üzrə 14 mühasib ştatı (7 vahid
təhsil şöbəsinin hesabına, 7 vahid əlavə),
İsmayıllı rayonu üzrə 25 mühasib ştatı (3
vahid təhsil şöbəsinin mərkəzləşdirilmiş
mühasibatlığının ştatları hesabına, 22
vahid əlavə) və Ucar rayonu üzrə 20 mühasib ştatı
(4 vahid təhsil şöbəsinin mərkəzləşdirilmiş
mühasibatlığının ştatları hesabına, 16
vahid əlavə) artırılmışdır. Həmin
məktəblərdə şagirdbaşına
maliyyələşdirmə prinsipinin tətbiq olunması
üçün Təhsil Nazirliyi hökumət qarşısında
məsələ qaldırmış, Nazirlər Kabinetinin
qərarı ilə bu
məktəblərdə şagirdbaşına
maliyyələşdirmənin tətbiqinə razılıq
verilmişdir. Qərarın icrası ilə
əlaqədar Təhsil Nazirliyinin metodik köməkliyi
və təhsil sektorunun inkişafı layihəsinin
"Maliyyələşdirmə və büdcə islahatları"
alt-komponentinin səyi nəticəsində, həmçinin
alt-komponentinin üç rayona cəlb olunmuş beynəlxalq
və milli məsləhətçilərin yaradılması
ilə şagirdbaşına maliyyələşdirmə
prinsipini özündə əks etdirən yeni maliyyələşdirmə
düsturu hazırlanıb. Həmin
düstura əsasən 2007-2008-ci illər üçün yuxarıda
qeyd olunan 59 pilot məktəbinin büdcəsi tərtib
olunub. Nazirlər Kabinetinin qərarına görə
2007-2008-ci ildən başlayaraq pilot rayonlarının
maliyyə müstəqilliyi verilmiş ümumtəhsil
məktəblərinə büdcə vəsaitinin ayrılmasının
ümumi məbləğ səviyyəsində aparılması
nəzərdə tutulur. Eyni zamanda həmin qərara görə
məktəb üçün ayrılmış büdcə
vəsaitinin iqtisadi təsnifatın xərc
maddələri arasında bölüşdürülməsi və il
ərzində zərurət yarandığı, həmçinin
ilin sonunda qənaət olunduğu hallarda xərc
maddələri arasında müvafiq yerdəyişmələrin
aparılması səlahiyyəti pilot rayonlarının
maliyyə sərbəstliyi verilmiş ümumtəhsil
məktəblərinə verilir. Şagirdbaşına maliyyələşdirmə
prinsipinin tətbiqi zamanı məktəb büdcəsinin
tərtib və idarə olunmasında,
xərclənməsində məktəb şuralarının
çox böyük rolu vardır. Bu şuralar əvvəllər
formal olaraq yaradılmış şuralardan xeyli
fərqlənir. Məktəb şuraları haqqında
yeni hazırlanmış və təsdiq olunmuş
əsasnaməyə görə, şuraların
tərkibinə əsasən nüfuzlu şəxslər,
imkanlı adamlar, məktəblə əlaqəli olan ziyalılar
və tanınmış şəxslər, həmçinin
təhsil orqanlarının, digər icra strukturlarının
nümayəndələri daxil edilirlər. Məktəbin büdcəsi
əvvəlcə məktəb şurasında hazırlanır,
baxılır, müzakirə olunur və yaxud da
məktəbin xərclər smetasında dəyişiklik
etməyə ehtiyac yaranırsa, bu məsələ də
məktəbin şurasında baxılıb
bəyənildikdən sonra aidiyyəti üzrə maliyyə
orqanlarına təqdim olunur. Maliyyə Nazirliyi ilə aparılan danışıqlar
əsasında şagirdbaşına maliyyələşdirmə
prinsipinin əhatə dairəsinin
genişləndirilməsi məqsədəmüvafiq
hesab edilir. Bu məsələ Təhsil Nazirliyinin kollegiya
iclasında müzakirə olunmuş və görülən işlərin
daha da genişləndirilməsi məqsədi ilə Bakı
şəhərində yerləşən 22 ümumtəhsil
məktəbinin - Səbail rayonunun bütün ümumtəhsil
məktəbləri (16 məktəb), 10 peşə liseyi
və peşə məktəbi və 10 orta ixtisas
məktəbinin maliyyələşdirilməsinin 2008-ci
ildən başlayaraq şagirdbaşına maliyyələşdirmə
prinsipi əsasında həyata keçirilməsi zəruri
hesab edilmişdir. Qələmə aldı: Şakir CƏFƏROV |