|
|
· Ana səhifə· Rəsmi· Heydər Əliyev Fondu· Əmrlər, sərəncamlar· Təhsil Nazirliyində· Xəbərlər· Pedaqoji yazılar· Məktəblərimiz· Bizimlə əlaqə
|
Sumqayıtda Təhsil Nazirliyinin səyyar kollegiya iclası keçirilib Martın 11-də Sumqayıtda Təhsil
Nazirliyinin səyyar kollegiya iclası keçirilib. Kollegiya üzvləri
ilə yanaşı Təhsil Nazirliyinin struktur-bölmə
rəhbərlərinin, rayon təhsil şöbələri müdirlərinin,
Bakı və Sumqayıtın məktəb direktorlarının
iştirak etdikləri geniş iclasda "Sumqayıt Şəhər
Təhsil Şöbəsi tərəfindən təhsil müəssisələrinin
idarəolunmasında davamlı inkişafın təmin
edilməsi" mövzusunda məsələ müzakirə
olunub. Kollegiya iclasını açan təhsil naziri
Misir Mərdanov son illər Sumqayıtda bütün
sahələrdə, o cümlədən təhsildə xeyli müsbət
işlərin görüldüyünü, ciddi uğurların qazanıldığını
bildirib. Nazir təhsilin bütün parametrləri üzrə Sumqayıtın
göstəricilərinin respublika üzrə orta göstəricilərdən
yüksək olduğunu, şəhər təhsil şöbəsində
hər bir məktəb, müəllim və şagird haqqında
məlumat bazasının yaradıldığını,
təhsilin səmərəli idarəolunması
sahəsində faydalı təcrübənin toplandığını
vurğulayıb və səyyar kollegiyanın həmin
təcrübənin öyrənilib yayılması üçün keçirildiyini
söyləyib. Nazir giriş sözündə habelə
təhsilin bir sıra ümumi məsələlərinə
toxunub. Bildirib ki, son illər ölkənin bütün bölgələrində
əlverişli təhsil mühiti yaradıldığından
hazırda əsas diqqət təhsilin keyfiyyətinin yüksəldilməsinə
yönəldilib. Nazir bu istiqamətdə son illər atılmış
addımlardan danışıb. Kollegiya sədri Sumqayıt təhsilinin uğurlarını
və inkişaf dinamikasını əks etdirən
bəzi fakt və rəqəmləri, o cümlədən
buraxılış kursu üzrə son yoxlama imtahanlarının,
orta məktəb məzunlarının ali
məktəblərə qəbul imtahanlarındakı yüksək
nəticələrini diqqətə çatdırıb. Misir
Mərdanov ötən il ölkə üzrə keçirilmiş "Ən
yaxşı ümumtəhsil məktəbi " və "
Ən yaxşı müəllim" müsabiqələrində
Sumqayıt təhsil işçilərinin fəal iştirakını
və əldə etdikləri uğurları da təqdir
edib. Təhsilin keyfiyyətinin yüksəldilməsi,
idarəetmənin təkmilləşdirilməsi
istiqamətində səmərəli fəaliyyət göstərən
şəhər təhsil şöbəsinin
rəhbərliyinə, şəhərin bütün təhsil işçilərinə
minnətdarlığını bildirib. Sonra Sumqayıt Şəhər Təhsil
Şöbəsinin müdiri Vidadi Bağırov müzakirə
olunan məsələ barədə geniş
məruzə-təqdimatla çıxış edib. Son
illər ŞTŞ tərəfindən təhsil müəssisələrinin
fəaliyyətinin idarəolunmasında davamlı inkişafı
təmin etmək üçün həyata keçirilmiş
tədbirlərin, müəllim və şagirdlərin
fəaliyyətinin, səviyyəsinin
qiymətləndirilməsi məqsədilə
monitorinqlərin aparılması təcrübəsinin
dərin təhlili verilmiş məruzə-təqdimat
kollegiya iştirakçıları tərəfindən maraqla
qarşılanıb və diqqətlə dinlənilib. İclasda söz alan kollegiya üzvü, Bakı Dövlət
Universitetinin rektoru, akademik Abel Məhərrəmov, Bakıdakı
70 nömrəli orta məktəbin direktoru Nazim Qasımov, 20
nömrəli məktəb-liseyin direktoru Əkbər Qocayev,
"İntellekt" liseyinin direktoru Ceyran Kuliyeva və başqaları
maraqlı təcrübənin ətraflı şərh olunduğu
məruzə-təqdimatı yüksək
qiymətləndirib, Sumqayıt ŞTŞ-ın təcrübəsinin
öyrənilməsi və yayılmasını
məqsədəuyğun sayıblar. Kollegiya iclasında Sumqayıt Şəhər
İcra Hakimiyyətinin başçısı Vaqif Əliyev çıxış
edərək şəhər rəhbərliyinin
təhsilə qayğısından, yenilik təşəbbüslərinin
və innovativ fəaliyyətlərin müdafiə
edilməsi və həyata keçirilməsinə göstərilən
köməkdən danışıb. Kollegiya müzakirə olunan məsələ
barədə qərar qəbul edib. (Kollegiya iclasından hazırlanmış
geniş material qəzetin növbəti nömrəsində
dərc olunacaq.) Y. ƏLİYEV |