Tədris binası istifadəyə verildi

Bakının 9 nömrəli ümumtəhsil məktəbində bayram əhvali-ruhiyyəsi vardı. Buna səbəb dövlət vəsaiti hesabına tikilmiş 500 şagird yerlik yeni yardımçı tədris binasının istifadəyə verilməsi idi. Tədbirdə Nəsimi Rayon İcra Hakimiyyətinin başçısı Nəsib Məhəməliyev, millət vəkilləri ülvi Quliyev, Məlahət Həsənova, Asim Mollazadə, Bakı Şəhər üzrə Təhsil İdarəsi müdirinin müavini  Müslüm Qəzənfərov və digər qonaqlar iştirak edirdilər.

Tədbir iştirakçılarını salamlayan məktəbin direktoru Zinyət Əhmədova təhsil ocağı haqqında qısa məlumat verərək bildirdi ki, yarım əsrdən artıq yaşı olan 9 nömrəli məktəbdə hazırda 1270 şagird oxuyur. Onların təlim-tərbiyəsilə 129 müəllim məşğul olur.

ötən dərs ili bir çox nailiyyətlərlə yaddaqalan olmuşdur. İlk dəfə olaraq Təhsil Nazirliyi 11-ci siniflərdə il ərzində sınaq imtahanları aparmışdır.  Bu, şagirdlərimizi qəbul imtahanlarına hazılamağın başlanğıcı olmuşdur. Bu il məktəbimizdə təhsil alan 100 onbirinci sinif şagirdindən 97 nəfəri kamal  attestatı almışdır.

Bunlardan 95-i yüksək bal toplayaraq müxtəlif ali məktəblərə qəbul olmuşdur.

ölkə Prezidentinin sərəncamına əsasən keçirilən "Ən yaxşı müəllim" və "Ən yaxşı ümumtəhsil məktəbi" müsabiqələrinə bizim məktəbimiz də qoşulmuşdur. Bir müəllimimiz - Sona Hacıyeva müsabiqənin qalibi olmuşdur. 

üçmərtəbəli yeni əlavə tədris korpusu yüksək səviyyədə inşa olunub.

Binanın bütün avadanlıqları da müasirdir. Bu tədris binasının tikilməsi 1 növbəli və 5 günlük dərs sisteminə keçməyə imkan yaratmışdır.

Tədbirdə iştirak edənlər öz çıxışlarında təhsilə göstərilən diqqət və qayğıya görə ölkə başçısına öz minnətdarlıqlarını bildirdilər.

Sonra açılış rəmzi bildirən qırmızı lent kəsildi. Qonaqlar sinif otaqlarına baxış keçirdilər. Birincilərlə söhbətləşib, onlara müxtəlif suallar verdilər.  

RƏŞAD

Yeni tədris ocağı

Sentyabrın 15-də Biləsuvar  rayonunda 192 şagird yerlik akademik Zərifə Əliyeva adına məktəb-lisey kompleksi istifadəyə verilib. Kompleksin  direktoru İlyas Başaranın verdiyi məlumata görə, yeni dərs ilində  kompleksdə V,VI,VII,VIII siniflər üzrə  192 şagird təhsil alır. Bu şagirdlər təhsil ocağına müsabiqə yolu ilə qəbul olunmuşlar. Hazırda onların təlim -tərbiyəsi ilə  16 müəllim məşğul olur.

Məktəb-lisey kompleksinin geniş, işıqlı sinif otaqları,  fənn  kabinetləri, laboratoriya və kitabxanası vardır. 

 Şakir CƏFƏROV