|
|
· Ana səhifə· Rəsmi· Heydər Əliyev Fondu· Əmrlər, sərəncamlar· Təhsil Nazirliyində· Xəbərlər· Pedaqoji yazılar· Məktəblərimiz· Bizimlə əlaqə
|
Akademik Zərifə Əliyeva adına qızlar liseyinin açılışı Sentyabrın 19-da Zaqatala şəhərində
akademik Zərifə Əliyeva adına qızlar liseyinin açılışı
olmuşdur. Prezident İlham Əliyevi təhsil işçiləri,
liseyin kollektivi hərarətlə qarşıladılar. Dövlətimizin başçısı açılışı
bildirən lenti kəsdi və liseylə tanış oldu.
Prezidentə məlumat verildi ki, Dövlət Neft Şirkətinin
vəsaiti hesabına tikilmiş 500 şagird yerlik lisey
binasının təməli 2007-ci ildə qoyulmuşdur.
İkimərtəbəli binanın ümumi sahəsi 5100
kvadratmetrdir. Burada 50 otaq, o cümlədən 9 sinif otağı,
15 fənn kabineti, kompüter otağı, habelə akt və
idman salonları vardır. Binanın həyətində
idman meydançası da tikilmişdir. Binanın ayrıca
qazanxanası, nasos stansiyası, iki su anbarı vardır. Prezident İlham Əliyev liseyin kollektivini
bu gözəl təhsil ocağının açılışı
münasibətilə təbrik etdi. Liseyin həm xarici, həm də daxili görünüşünün
gözəl olduğunu bildirən dövlətimizin başçısı
burada şagirdlərin yaxşı təhsil almaları
üçün müasir şəraitin yaradıldığını
söylədi. Prezident İlham Əliyev liseyin kollektivi ilə xatirə şəkli çəkdirdi.
Tükənməz mənəviyyat mənbəyi Naxçıvan Dövlət Universitetinin
konservatoriya binasında Milli musiqi günü münasibəti
ilə tədbir keçirildi. Tədbirdə çıxış
edən universitetin rektoru, akademik İsa Həbibbəyli
milli musiqini milli mənəviyyatımızın zəngin
bir parçası kimi qiymətləndirdi, üzeyir musiqisinin
ecazkar qüdrətindən bəhs etdi. Rektor Naxçıvanda sənətşünaslığın
inkişafı, istedadlı və ixtisaslı musiqiçilərin
hazırlanması üçün universitetin təsviri
incəsənət fakültəsində görülən işlərdən
danışdı, milli musiqinin gənclərin əxlaqi
tərbiyəsində və milli şüura
yiyələnmələrində əvəzsiz rolundan söz
açdı. Azərbaycan
Respublikasının əməkdar müəllimi,
Azərbaycan Bəstəkarlar İttifaqının Naxçıvan
bölməsinin sədri, universitetin musiqi təlimi kafedrasının
müdiri, bəstəkar Şəmsəddin Qasımov "üzeyir
Hacıbəyov və milli musiqi
mədəniyyətimiz" mövzusunda məruzə ilə
çıxış etdi. Natiq üzeyir Hacıbəyovun Şərq
operasının banisi, Azərbaycan musiqişünaslığının
yaradıcılarından biri, gözəl librettolar müəllifi,
tanınmış mollanəsrəddinçi publisist olmasından
danışdı. Sonra söz musiqiyə verildi. İfaçılıq
kafedrasının müəllimi Günay Süleymanovanın, Naxçıvan
MR-in əməkdar artistləri Mübariz Əsgərov və
Gülyanaq Fərzəliyevanın, nəfəsli
alətlər ixtisası üzrə I kurs tələbəsi
Zümrüd İsmayılovanın, musiqi təhsili ixtisası
üzrə II kurs tələbəsi Əli Bədiyevin, xalq
çalğı alətləri ixtisası üzrə II kurs
tələbəsi Zeynəb Yusifovanın, universitetin kamera
ansamblının və vokal qruplarının ifasında
xalq musiqiləri, Fikrət Əmirov, Tofiq Quliyev kimi tanınmış
Azərbaycan bəstəkarlarının
əsərləri ifa olundu. Doğma
Qarabağın rəmzi sayılan füsunkar üzeyir
musiqisi qəlbləri ovsunlamaqla yanaşı, milli
vətənpərvərlik, mərdlik və şücaət
tərənnümü kimi səsləndi. Mehriban SULTAN, Naxçıvan Dövlət Universiteti mətbuat xidmətinin rəhbəri Yeni nəşrlər "Azərbaycan müəllimlərinin qurultayları. I-XII" Respublika müəllimlərinin XIII
qurultayı ilə bağlı Təhsil Nazirliyində
Təşkilat Komitəsi yaradılmışdı. Qurumun
xəttilə qurultaya hazırlıqla bağlı bir sıra
işlər görülmüş, tədbirlər həyata keçirilmişdi.
Bunlardan biri indiyə qədər keçirilmiş qurultaylarla
bağlı tarixi-xronikal, stenoqrafik materialların toplanılıb
sistemləşdirilməsi və tərtibi olmuşdur. Buraxılışa məsul təhsil
naziri, professor, əməkdar elm xadimi Misir Mərdanov 780
səhifədən ibarət olan kitaba ön söz yazmışdır.
ön sözdə Azərbaycan təhsil tarixinə qısa
ekskurs edilmiş, tədris müəssisələrinin açılmasına
toxunulmuş, XX əsrin əvvəllərində dünyəvi
təhsilin inkişafı ilə bağlı
məsələlərin həlli üçün müəllimlər
ictimaisinin (qurultayının) keçirilməsinin tarixi
zərurət olması açıqlanmışdır. ön sözdə hər bir qurultayın
əhəmiyyəti, ali məclislərdə müzakirə
edilmiş məsələlər şərh olunur.
Professor Misir Mərdanov qloballaşma əsrinin
problemlərinin həllində zəka və təhsilin
əhəmiyyətli rolunu dəyərləndirir. Topluda mövcud elmi-pedaqoji ədəbiyyat
əsasında I qurultayın təşkili və keçirilməsi
təsvir və təhlil olunur. II qurultayın iclaslarının
gedişi verilir, III qurultayın keçirilməsində ADC-nin
fəaliyyəti açıqlanır. Sonrakı qurultaylar barədə materiallar
daha çox tarixi-stenoqrafik üslubdadır. Bu baxımdan müstəqillik
dövründə keçirilmiş XI və XII qurultayların gedişini
əks etdirən materiallar kitabda geniş əksini tapmışdır. Kitabın sonunda I və II qurultaylarla bağlı
materiallardakı alınma söz və tarixizmlərin lüğəti
verilmişdir.
|