|
|
· Ana səhifə· Rəsmi· Heydər Əliyev Fondu· Əmrlər, sərəncamlar· Təhsil Nazirliyində· Xəbərlər· Pedaqoji yazılar· Məktəblərimiz· Bizimlə əlaqə
|
"Təhsil və karyera" sərgisi "Avropa" mehmanxanasında Təhsil
Nazirliyi və Sənaye və Ticarət Palatasının
fəal dəstəyi ilə 2-ci Azərbaycan beynəlxalq
"Təhsil və karyera" sərgisi keçirildi.
Sərginin təşkilatçıları - İTECA Caspian
və İTE Qroup PLC şirkətləridir.
Tədbirdə təhsil naziri Misir Mərdanov, Sənaye
və Ticarət Palatasının vitse-prezidenti Mehman Əhmədov,
təhsil nazirinin müavini Elmar Qasımov, Azərbaycan İqtisad
Universitetinin rektoru, millət vəkili Şəmsəddin
Hacıyev, Böyük Britaniyanın ölkəmizdəki fövqəladə
və səlahiyyətli səfiri xanım Karalin Braun,
İTECA Caspian şirkətinin direktoru Fərid
Məmmədov, ali və orta ixtisas məktəblərinin
rəhbərləri və digər şəxslər iştirak
edirdilər. "Təhsil və Karyera" sərgisini açıq
elan edən təhsil naziri Misir Mərdanov qeyd etdi ki,
sərginin tədris ilinin əvvəlində keçirilməsinin
məqsədi - gələcək
məktəb məzunlarına və
tələbələrə faydalı məlumat və müxtəlif
istiqamətli tədris kurslarının fəaliyyətini
təqdim etməklə kömək göstərməkdir ki,
onlar yerli əmək bazarının tələbatına
uyğun gələcək təhsil yolunu seçə
bilsinlər. Həmçinin sərgi sahibkarlar ilə
gələcək işçi heyəti arasında görüş
imkanı yaradır ki, bu da işədüzəlmə
probleminin həllini xeyli asanlaşdırır. Cənab nazirin çıxışından
məlum oldu ki, 2-ci Azərbaycan beynəlxalq "Təhsil
və karyera" sərgisi dünyanın 11 ölkəsindən
40 şirkət və təşkilatı qəbul
edəcək ki, bu da ötən ilə nisbətən 25 % çoxdur.
Keçən ilə nisbətən ekspozisiya sahəsi 20 % artmışdır.
Eksponentlər arasında həm Azərbaycanda çoxdan
fəaliyyət göstərən tanınmış
təhsil müəssisələri, həm də fərqli
tədris sistemini təklif edən və burada öz biznesini
inkişaf etdirmək istəyən yeni təşkilatlar
var. İştirakçı ölkələr arasında İtaliya,
Almaniya, Böyük Britaniya, Yunanıstan, İsveçrə və
s. ölkələrin tanınmış təhsil
mərkəzləri var. ötən ilə nisbətən
"Xaricdə təhsil" bölməsi daha geniş
təmsil olunacaq. Burada AKİ İnter şirkəti
(Azərbaycan) ABŞ və Böyük Britaniyada təhsil almaq
imkanlarını təklif edəcək; Paris, London və
Milan moda mərkəzlərində öz filialları olan
məşhur Maranqoni İnstitutu (İtaliya) xaricdə
təhsil sahəsinə aid xidmətlərini ilk
dəfə təqdim edəcək; GTZ və DAAD isə
Almaniyada xüsusi təhsil proqramlarında iştirak etmək
imkanını verəcək. Orta və ali təhsil müəssisələrini
kompüterləşdirmək, habelə dövlət müəssisələri
və özəl idarələrdə işin keyfiyyətini
artırmaq üçün elektron imkanlarını təklif edən
KUR Somputers və SİNAM kimi yerli şirkətlərin
sərgidə iştirak etməsi sevindirici haldır.
Beləliklə, sərginin ekspozisiyası orta və ali
təhsil, xaricdə təcrübə və iş imkanları,
dil kursları və ixtisasartırma təlimləri, işədüzəlmə,
tədris ədəbiyyatı, təhsil sahəsində
informasiya texnologiyaları və digər xidmətləri
təqdim edəcəkdir. 2008-ci ildə təhsil sektoru üçün
respublikanın dövlət büdcəsindən ayrılmış
vəsait 1 milyard ABŞ dolları təşkil etmişdir.
Bu vəsaitin xeyli hissəsi peşə təhsilinin
maddi-texniki bazasının inkişafı və
təkmilləşdirilməsinə, ümumtəhsil
məktəblərinin müasir avadanlıqlarla təminatına,
tədris prosesində İKT-nin tətbiq
etdirilməsinə, istedadlı uşaqların intellektual xüsusiyyətlərinin
inkişafına və s. məqsədlərə sərf
olunacaq. Təhsil müəssisələrinin sayca artması,
onların təchizatı və peşəkar kadrlarla
təmin edilməsi - dövlətin qarşısındakı
strateji məsələlərdən biridir. Buna görə
də "Təhsil və karyera" sərgisi
"Təhsilini seç, gələcəyini təmin et!"
şüarı altında keçirilir. "Təhsil və
karyera" - təhsilə və
ixtisasa malik olan, lakin bunları harada tətbiq
edəcəyini bilməyən tələbələr, ali
təhsil müəssisələrinin məzunları və
gənc mütəxəssislər üçün, habelə öz peşəkar
inkişafı ilə maraqlanan hər kəs üçün
məlumat mənbəyidir. çıxışının sonunda nazir
sərginin təşkilatçılarına uğurlar arzuladı
və onun daha da inkişaf etdirilməsinin vacibliyinə
toxundu. Tədbirdə Sənaye və Ticarət
Palatasının vitse-prezidenti Mehman Əhmədov çıxış
edərək sərginin əhəmiyyətindən danışdı.
İTECA Caspian şirkətinin direktoru Fərid
Məmmədov da sərginin təşkili barədə öz
fikrini bildirdi. "Təhsil və karyera" sərgisinin
açılış lenti kəsildikdən sonra qonaqlar salona
daxil olaraq ekspozisiya ilə ətraflı tanış
oldular. Fazil İDRİSOĞLU |